老婆你好棒！最美乾媽二人組Selina Hebe陪入產房，老公更甜蜜公開大讚Ella係地表最強嘅孕婦呀！

女子天團S.H.E.嘅感情好基本上已係眾所周知嘅事，Ella昨日誕下勁寶後，今日下午就係Facebook post文表示感謝大家嘅祝福，並感到非常開心迎接人生第一個寶寶！而兩位夫妻都沈浸係為人父母嘅喜悅當中，見到Ella嘅努力，老公更大讚Ella係地表最強孕婦無疑！

而除咗Ella嘅老公有陪Ella入產房，兩位好姊妹Selina同Hebe為咗見證Ella人生重要時刻，亦同樣陪伴Ella入產房，等勁寶係「熱鬧」中出世呀！

Ella老公亦表示回想昨日嘅一切都係覺得好不可思議，更係FACEBOOK公開同Ｅlla大告白:「陳嘉樺，我老婆，你們的解接完全就是一個女勇士，女戰士！從前一天半夜開始陣痛，到昨天下午才順利產下，這十幾二十小時的馬拉松式生產需要極大體力，勇氣與耐力。」

Ella老公望見Ella最後係產床上用盡所有力氣將勁寶生出嚟，都表示當刻嘅感動同不捨應該係佢哩一輩子最激動嘅情緒！「老婆你好棒！你好厲害！你好勇敢！你好堅強！你好有力！你好美！你好有膽！你好有才華！謝謝老婆！辛苦你了！我愛你！」相信Ella見到老公嘅激動讚賞，心中都會甜笑！

好多網民都立即留言表示恭喜Ella，亦好替佢開心生咗人生第一個勁寶！相信同Ella感情咁好嘅兩位好姊妹係陪Ella入產房見證佢勁寶出世嘅一刻，都一樣有感動落淚！

除咗恭喜Ella，相信好多90後都會概嘆時光飛逝，其實好多人都係由S.H.E16年前初初出道時就開始追捧佢哋，而家Ella已為人母，雖然佢哋已經唔再係少女偶像，但係係大家心目中依然係無人可以取代嘅亞洲第一最強女子天團呀！

見到Ella幸福滿滿，亦期待兩位最美乾媽二人組Selina同Hebe都早日得到幸福啦～

Sourec: Facebook@陳嘉樺 Ella/Google