化妝定喬裝！8個港韓女星素顏Battle，究竟邊個先係真素顏女神？

由於高清鏡頭實在太犀利嘅關係，所以搞到唔少女明星都要化返個高清妝遮哂啲瑕疵先敢上鏡！不過其實有好多女明星素顏都絕對見得下人，以下嘅港韓女星素顏Battle，究竟邊個先係真素顏女神？

Angelababy

已為人妻嘅BABY其實五官本身已經好深邃，所以輕輕化少少妝都已經好似公仔～

早前BABY素顏上陣《奔跑吧！兄弟》，講真真係冇乜分別～

而且唔化妝嘅BABY仲多返一陣清純氣質，皮膚仲勁有光澤！真係唔信佢已經生咗一個～

香香

化左妝嘅香香好有女人味～連女仔都畀佢電暈啊！

鬼妹仔性格嘅香香一向都唔怕以素顏示人，即使唔化妝對眼一樣咁精靈！

眼又圓又大，塊面又夠瓜子，女神香香真係素顏都冇有怕！

王心穎

唔少人覺得心穎BB笑容好屈機，唔知落咗妝嘅佢又係咪一樣咁屈機呢？

ER...其實雖然真係有幾分似蔡一智，不過其實望落都只係眉毛稀疏左少少，齋睇返五官都算係靚女一個啊！

胡杏兒

雖然有唔少人覺得胡杏兒上鏡睇唔算係一個靚女，不過有唔少見過杏兒真人嘅人都表示，其實佢真人個feel好有氣質！

冇化妝嘅杏兒除左膚色比較黃同埋有啲雀班仔，其實個樣都冇乜點變！

阿GILL

其實Twins一出道嘅時候，阿gill嘅靚樣已經獲得唔少人嘅關注，講真佢個樣真係好女神feel！

有冇人覺得落左妝嘅阿Gill仲靚？化左妝固然靚，但係冇化妝嗰種仙氣係更加難得同屈機！

宋智孝

我諗講到素顏美女，韓國嚟講大家第一個諗起嘅都一定係佢：懵智！幾乎集集runningman都係超淡妝嘅佢，絕對係素顏都一樣咁靚！

而且智孝仲經南韓整形醫師判定為零整形「自然系美女」第一名！絕對當之無愧～

太妍

膚色夠哂白雪雪嘅太妍就算冇化妝都一樣咁可愛同有氣質！個樣仲即刻減齡10歲添～

抽抽出名對眼夠靚，雖然化左眼妝隻眼真係精靈到好似公仔咁，不過唔化妝就另有一種仙氣～（好靚啊媽啊！）

雪炫

之前AOA嘅雪炫捨棄女神形象出演《叢林的法則》，被網民狠批素顏恐怖趕客！

其實係叢林咁辛苦日曬雨淋，個人睇落黑左黃左都係人之常情～

唉～如果唔係點解咁多女仔都想白白白！因為真係一白遮三醜啊～

其實女明星都幾慘，觀眾係鏡頭前見慣佢地化妝個樣，一唔化就覺得冇哂精神跌哂WATT！今次唔好咁mean，你又覺得邊個素顏最靚？

source: weibo、instagram、SBS