王浩信X唐詩詠組CP無得輸!劇中8招暖男甜蜜必「撒」技,直陷不懂撒嬌的港女都表示好冧呀!

王浩信X唐詩詠組CP無得輸!劇中8招暖男甜蜜必「撒」技,直陷不懂撒嬌的港女都表示好冧呀!

Trendy 人氣熱話 · Lifestyle 生活
By Presslogic on 12 May 2017

TVB劇集《不懂撒嬌的女人》成為了全城話題!而戲中暖男王浩信(飾演Saving) X100分女友唐詩詠(飾演Cherry)組成嘅CP絕對無得輸!劇中8個暖男甜蜜必「撒」技,直陷不懂撒嬌的港女都表示好冧呀!

暖男必「撒」技1: 未做情侶就已經處處為Cherry著想

「賤Han」帶埋小三進駐Cherry同佢當時合買嘅新居,真係睇到全城人都嬲!不過有暖男係佢身邊開口鬧爆賤HAN,仲為佢出謀獻策趕走衰人,未成為情侶,就咩都為佢著想,又點會有女仔唔心動丫!

sssartist12

暖男必「撒」技2: 「我話過攬你就攬你,我Saving做得到先講得出!」

天呀!聽到有個暖男對著你講哩句說話,再堅強嘅港女都一定會冧到爆啦!暖男為咗幫Cherry,自己一個搵賤Han傾,最後一向慳家嘅佢都願意用最珍惜嘅錢買咗賤Han嘅半份業權!其實有賤HAN做對比,絕會更加突顯出暖男嘅好!

sssartist04

暖男必「撒」技3:  係台南大樹下表達心跡,超浪漫愛的告白!

暖男同Cherry講緊自己愛情過往時,就突然順勢同Cherry黎咗個愛的告白:「你知唔知你訓覺時有少少鼻鼾聲,我覺得好可愛,令我好想保護你,我諗哩種感覺就係叫做有FEEL...」當佢講緊哩返說話時,仲全程都唔敢望Cherry,有啲怕羞但又大膽表白嘅個性完全無得輸!

sssartist01

暖男必「撒」技4:  用手臀為Cherry擋太陽,仲要同時俾Cherry挨著訓覺

哩件事真係唔知世上會唔會發生呢?(笑)不過其實好多女仔睇完暖男哩招,都真係大讚Saving係百分百好男人!

sssartist13

暖男必「撒」技5: 願意不惜一切去補償返前度

哩種有情有義嘅男友,真係絕種嘅好男人呀!暖男同前度阿凝走到去要結婚嘅階段,但佢選擇咗悔婚,為咗償返俾佢,就儲錢為去咗美國留學嘅阿凝交學費!雖然悔婚、浪費咗人地青春哩個行為,真係會覺得扣哂分,不過之後都願意盡力彌補返過錯,都係一種貼心嘅表現!

sssartist05

暖男必「撒」技6:  一吻定情,曖昧感覺最令人心動

暖男同Cherry唔相信對望5秒後會有野發生,所以就一齊對望5秒測試下,最終就係一吻定情,完全睇到一眾不懂撒嬌的港女都心動!

sssartist09

暖男必「撒」技7: 「我蝕(走光)唔緊要,最緊要你唔好蝕(走光)」

Cherry發現暖男聽到自己講嘅野後,怕醜到未拉好裙嘅鏈就即刻走,暖男見到驚佢蝕底,就攬著條浴巾,追到9條街提坐緊小巴嘅Cherry拉返裙鏈,唔好走光!咁完美嘅護花使者去邊度搵~

sssartist06

暖男必「撒」技8: 了解到Cherry心思,仲自彈自唱表白

琴日兩人嘅愛情線就講到暖男Saving係辦公室拎著結他大玩自彈自唱<陪着你走>,同啱啱返辦公室嘅Cherry勇敢表達心意,仲用「西瓜論」作寓意,向Cherry承諾會做一個有承擔嘅男人,令到兩人關係即時大躍進,成功組成辨公室CP,開會時都仲要係枱底下拖手,真係睇到一眾不懂撒嬌的港女都表示好冧呀~

sssartist03

Source: Google/TVB cap screen


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!
Share to Facebook