你地應該早啲拍劇！盤點4個「有觀眾緣但冇歌手運」男星，你最鍾意睇邊個拍劇？

近排王浩信因為飾演Saving哥而人氣急升，係TVB捱足8年終於成功入樓兼彈起，絕對係歌壇轉戰影壇嘅成功例子！其實有好多男藝人都係冇乜歌手運但演戲大家又好受落！

1. 王浩信

誰都MK過那個沒有～男神SIGNAL WONG原來係有次唱K嗰陣畀經理人發掘入行，先plug過唱K必點嘅《愛與被愛》、《拖字訣》等等K歌！不過當時紅歌不紅人，拎完幾個新人獎之後係樂壇唔算有太大嘅發展空間～

約滿之後就轉戰大台拍劇，但都唔係一下彈起架！由《刑警》開始有人留意到佢，但嗰陣睇都仲係未洗走歌手味～到《樓奴》第一次擔任男一開始入入地屋，仲被提名「最佳男主角」添！

16年嘅《EU超時任務》可以話係彈起嘅關鍵點，演技備受大家認同，仲好多人覺得佢應該攞最佳男主角！

到啱啱播完嘅《不懂撒嬌的女人》，王浩信憑住極討好嘅暖男角色成功俘虜少女同師奶心！嚟緊大台重頭劇《溏心風暴３》同《踩過界》都將會見到王浩信，成為大台一線小生絕對不是夢～

2. 黃宗澤

其實.....小編本身都幾鍾意BOSCO架！憑住青靚白淨嘅小生樣，再埋生鬼演技，BOSCO一早就入哂屋！點知大台無啦啦又走去捧BOSCO做歌手，又畀哂主題曲佢唱咁.......

https://www.youtube.com/watch?v=zlmvatxSbnA

呢個真係聽一次笑一次，不過冇歌手運唔緊要，大家都好鍾意睇你做戲架BOSCO（心心眼）！

可惜BOSCO已經離開咗大台，近年努力北上搵人仔同拍電影，香港觀眾好掛住你啊！

不過嚟緊《溏心風暴３》就會見到BOSCO喇！兩大男神合體，唔係唔睇啊嘛？

3. 張繼聰

2005正式加入樂壇嘅張繼聰一直都係走實力派路線，又唱得又作得，可惜係樂壇唔算有好好嘅成績～

2012正式加入大台拍咗《巨輪》、《食為奴》，《忠奸人》、《老表，你好Hea！》及《收規華》等等，憑著鬼馬同生動嘅演技成功入屋，搞到大家差啲都唔記得阿聰之前係歌手！之前《幕後玩家》嘅演出亦都備受肯定，嚟緊應該都會成為大台力捧小生之一架喇！

4. 吳卓羲

別怪她～別怪她～相信各位90後都一定識唱！雖然阿ROY呢首歌成為卡拉OK熱爆歌曲，不過之後都只係唱下劇集同兒歌主題曲咁～

雖然阿ROY唱歌技巧唔算好好，不過大家都覺得好有「娛樂性」！（笑）有觀眾緣咪就係呢啲囉！

其實.....大家唔係唔鍾意聽你地唱歌，不過大家都係鍾意睇你地拍劇多啲！你又最鍾意睇邊個拍劇？

source: instagram