依！你咁熟口面既？盤點10個「TVB最強綠葉」，除左認得出個樣之外你地記唔記得佢地個名？

一套劇之所以成功，絕對只單靠主角既叫坐力～仲要一班好既綠葉演員先可以成功造就到一套好劇誕生！所以話呢～綠藥真係好重要！就等小編為大家盤點10個「TVB最強綠葉」，你又叫得出幾多個人既名？

陳榮峻

講起陳榮峻～真係超面善！因為佢繹演既太監，無論一舉手一投足都將公公演得惟肖惟妙～完全係TVB既「公公王」！而佢其實係於1984年參加無綫電視藝員訓練班加入TVB，係TVB服務超過三十年啦～而佢宜家仍然都係TVB既部頭合約藝員！

李國麟

李國麟係無綫電視藝員訓練班出道～而佢都係TVB著名既配角，仲曾經提名過萬千星輝頒獎典禮最佳男配角添！早期既李國麟一般都係飾演反派既角色，直到近年就一改戲路～以喜劇笑匠既形象示人！而佢宜家仍然都係TVB既部頭合約藝員～

陳狄克

大台經典既反角，同時都係大台御用既「的士司機」陳狄克～係無綫既部頭合約藝員。佢成日演出唔同既大台反角，例如殺人犯、江湖中人～其實佢除左係演員之外，仲係大台既龍虎武師之一添！

駱應鈞

駱應鈞經常出演專業人士既角色，律師、警察通通都難唔到佢！除左電視之外，佢都參演過不少電影拍攝～近期既絕對不能不提既就係由華仔主演既《拆彈專家》！不過佢早已係11年離開無線並於翌年加入左HKTV～可惜HKTV最後都開唔成台～宜家主力都係內地發展。

歐瑞偉

見到歐瑞偉，你第一秒時間一定會忍唔住叫佢做K.C～全因《愛。回家》既威力實在太強大，強大到你見到佢都會自動代入到K.C一角之中～但同樣地都係因為斷極都斷唔到氣既《愛。回家》令到佢得到更多觀眾既認同，仲獲得唔少好評添！

黃子雄

「查生」黃子雄通常都係演出有錢人、外國回流既角色～因為佢除左有鬼仔性格之外，身為混血兒既佢完全將呢類既角色完美CARRY～完全就係TVB「御用有錢人」！不過佢只係無綫既部頭合約藝員，因為佢除左演戲之外亦會多線發展～好似節目主持、活動司儀等！

林漪娸

身為「處境劇女王」既林漪娸，演出過多部處境喜劇包括《真情》、《皆大歡喜）》、《誰家灶頭無煙火》同《愛·回家》～每一套都帶比人好深刻既印象！能夠成為「處境劇女王」，演技都有返一定既水準～而佢既演技都獲得一定既成績，曾獲得過萬千星輝頒獎典禮「最佳女配角」一獎添！

姚瑩瑩

唔講唔知，其實姚瑩瑩係1991年新加坡小姐冠軍！來港發展後拍過好多大大少少既劇～其中《愛。回家》樓尚好一角亦是佢既代表作之一，成功入屋！近期佢仲為拍劇犧牲，素顏出演《沒女》～敬業得黎都可以睇得出佢既皮膚保養得好好！

簡慕華

簡慕華既戲路好廣，不論係奸角如《心戰》既Michelle，定係仲有良心既《完美叛侶》Rowena～佢都完全能夠勝任！簡慕華完美入屋，我相信其實都有不少網民都認得佢仲講得出佢個名添！

程可為

程可為默默耕耘，演出過唔少大獲好評既角色～無論係犀利既皇太后，定係慈母既角色佢都將角色發揮得淋漓盡致！

Source：Facebook/weibo/internet/tvb