【Instagrammer打卡指南—附有交通】

放暑假有咩做？最好就周圍郊遊下 影下相！有6個打卡好地方你可能聽得多 但未必知原來係咁靚！

1.柴灣漁灣村

呢度特色就係粉紅色既牆！少女心出哂黎！柴灣地鐵站D出口穿過公園出公園後行過小學同柴灣體育館之後左轉入怡豐街，行入露天停車場就到架啦！

​
2.石澳

石澳唔止得沙灘 啲住屋都好靚架！快啲同閨蜜男朋友一齊去打卡！筲箕灣地鐵站A3出口，行到最右面的巴士站乘搭新巴9號往石澳

​

3. 啟德郵輪碼頭

呢度啲格仔影出黎好好睇，好獨特〜仲對住個海 ，好靚呀！
搭地鐵去到牛頭角站 再轉5R巴士/九龍灣站（德福廣場)免費穿梭巴士啟德郵輪碼頭

​4.香港山頂

細細個就聽過山頂呢個名啦 但原來有個秘密花園！仲好多人係果度影婚紗相添！可以順便去埋個白色小屋打打卡〜金鐘站再去纜車站直接上到去

5.灣仔碼頭
灣仔站A1出口，經天橋行過去就到，市區入面既天空之鏡！

​6. 觀塘塗鴉牆

係港色既塗鴉牆呀！呢度係觀塘鴻圖道60號後巷 ，觀塘站出，齊來做文青啦嘻嘻〜

​
7. 深水埗嘉頓山

深水埗D出口，步行約10分鐘就到 ，又係好方便去 ！不過差唔多日落既時候先好去 ，景色最好！