點解佢地完全唔識老？盤點香港娛樂圈5大凍齡女神，對比照真的超驚人！

大美人李嘉欣生日快樂！唔講唔知原來女神已經47歲，真係完全睇唔出呀～喺女神輩出既娛樂圈，又有幾多位女神能夠經得起歲月的洗禮，美貌依然呢？以下的幾位凍齡女神出道多年，但歲月似乎沒有在她們的臉上留下痕跡，仲係同啱啱出道時一樣咁靚呀～

李嘉欣

有著混血美艷外型既大美人李嘉欣，一向被譽為「最美麗港姐」，今年已經四十七歲既佢，五官依然深邃，皮膚更加係緊緻幼細，顏值一啲都唔輸當年！

黎姿

黎姿是不少男士心目中的夢中情人，「細細粒」有幾正相信都唔洗小編多講啦～已經45歲既女神依舊清麗脫俗，個樣同以前簡直一啲都無變呀，仲係咁楚楚動人，到底係點做到架？

邱淑貞

邱淑貞作為八、九十年代性感女神，自1999年同香港時裝公司I.T創辦人沈嘉偉結婚後，就息影淡出娛樂圈。已經係三女之母既佢，無論容貌同皮膚，都重係好似少女一樣，咁樣逆齡生長法真係太犀利喇！

朱茵

當年令人驚艷既紫霞仙子打動左唔少人既心，亦係影迷心目中無可取代既經典～朱茵早前係中國綜藝節目中再次著起招牌既紅白仙服扮演紫霞仙子，凍齡美貌同甜美既笑容幾乎同廿年前無分別呀！

周慧敏

講凍齡又點少得「玉女掌門人」周慧敏！被譽為「不老傳說」既佢已經48歲，但仍然係一啲老態都無，仙氣依舊，唔通真係食左防腐劑？

看到她們保養的這麼好，小編真的覺得年齡完全不是問題呀～

Source： Weibo，Instagram