《踩過界》今晚啟播定成熱潮！王浩信出演超型「失明大律師」，再爆金句誓引回響！

等到頸都長～播足成個星期《賭城群英會》，令人期待既《踩過界》終於今晚啟播啦！雖然播放時間定於星期六日9：30，令網民大罵大台有意讓此劇成炮灰！但都阻唔到王浩信既大人氣，劇未播就已經引起大量網民討論～氣勢如虹！

今次王浩信係《踩過界》出演超型「失明大律師」，每一個造型、一舉手一投足都型格十足～即使出演視障人士都完全收唔埋佢既帥氣！

而此劇製作相當認真，除左準備左「凸字卡片」作道具之外，王浩信同蔡思貝仲一齊到盲人中心體驗同學習添！唔知真正播出時，會唔會有甩漏位比眼利既網民捉到呢？

故事講述王浩信飾演既失明大律師文申俠因失明而練就出「超強四感」，為了公義縱然「踩界」都義無反顧！

而王浩信亦會係此劇中頻頻爆金句～單單一句「當法律唔能夠再伸張公義既時候，現實既世界將會比盲人世界更加黑暗！」相信能夠引起觀眾回響反思！

另外一大看頭就係千雪BB既客串啦！Madam Ling同渠頭呢一對一直都係觀眾既腦海揮之不去，唔知呢次既客串又會帶黎咩新火花呢！

王浩信仲會同蔡思貝、李佳芯有多場對手戲，大家就期待一下佢地既表現啦！

Source：TVB