嬴的士陳成條街！35歲阿SA甜蜜承認新戀情：「而家好開心」，億萬太子爺原來係連詩雅舊愛！

35歲嘅阿SA係娛樂圈經歷過兩段感情但都係分手收場，同鄭中基離婚之後遇上陳偉霆，不過五年姊弟戀亦都係兩年前告吹～不過大家唔洗戥阿SA擔心，因為阿SA而加名花有主喇！男友仲嬴的士陳成條街添～

當年阿SA同鄭中基開記招宣佈離婚，真係大家都大跌眼鏡！不過而加兩個都分別有個完滿結局實在太好喇～

之後阿SA同同公司嘅陳偉霆高調拍拖，雖然當時男方未走紅，不過阿SA仍然都係身邊默默守護五年，但可惜最後戀情都告吹～

經歷過兩段感情嘅阿SA好明白娛樂圈「見光死」嘅道理，所以對於呢段啱啱萌芽嘅戀情都好小心處理！

男友來頭亦都唔少，奪得阿SA芳心嘅就係堪稱億萬太子爺嘅麻雀館太子爺Anthony Shek（石恆聰）～

原來戀情曝光係因為阿SA畀傳媒影到佢兩度去男方畢架山道大宅過夜，熱戀期嘅威力真係犀利啊！阿SA亦都透過經理人大方回應：「而家好開心，多謝大家關心，其他唔講咁多喇～」

今次冇再收收埋埋，阿SA一下就大方承認新戀情，睇嚟都對呢段感情相當有信心啊！

而阿SA嘅新男友絕對可以用「高、富、帥」嚟形容！除咗坐擁億萬身家之外，外表亦都絕對青靚白淨，絕對係一個荀盤嚟！原來Anthony之前同連詩雅亦都曾經有過一段情，不過就盛傳係因為連詩雅太爛玩令到戀情告吹～

一眾90後可以話睇住阿SA成長，由小女生脫變到成熟女人，愈大愈有魅力！而加見到佢名花有主都好戥佢開心啊！希望今次阿SA同男友可以開花結果啦～（撒花）

source: instagram、sina weibo