香港人專屬文具！太古城限時發售「富豪雪糕文具」，承載著一代香港人嘅童年回憶！

如果問你見到紅白藍哩3種顏色，會令你最先諗到啲咩？對於香港人嚟講，除咗紅白藍膠袋，相信同樣都一定會聯想到「富豪雪糕車」！而今次富豪雪糕又再次帶畀大家驚喜，因為日本品牌「TRAVELER’S FACTORY」同「LOG-ON」合作，推出咗一系列以富豪雪糕為主題嘅文具，絕對喺為香港人而設嘅專屬文具呀！

今次TRAVELER’S FACTORY推出嘅雪糕文具絕對值得入手！文具除咗有必備原子筆、筆記本，仲有精緻小布袋、貼紙、MT膠紙等等，每款文具都印有大大個唔同嘅富豪雪糕，保證可愛度滿分！

其實好多遊客嚟到香港，都一定會想食返杯富豪雪糕！只因富豪雪糕車承載著好多香港人美好回憶同文化～

雪糕車喺1970年起就已經進駐香港，每次聽到雪糕車嘅清脆音樂，都有種叫人食雪糕嘅魔力！

富豪雪糕嘅產品每日都新鮮製造，多年嚟只出售軟雪糕、果仁甜筒、蓮花杯同珍寶橙冰，貼紙上都有齊哩4款雪糕㗎！唔知你哋最鍾意食邊種口味呢？

快啲趁著POP-UP STORE期間限時發售嘅機會，入手香港人嘅專屬文具啦！

LOG-ON X TRAVELER'S FACTORY POP-UP STORE

日期：2017年7月21日 - 8月6日

地點：太古城期間限定店

Source：TRAVELER’S FACTORY