Angelababy素顏吹頭引80萬網友搶看！被讚美翻之餘卻遭部分網友質疑「用了美肌」？

估唔到吹個頭都吸引都80萬網友爭住睇呀！講緊邊個？咪就係啱啱升為人母嘅Angelababy囉！

Angelababy產後極速修身，身材無走樣之餘好似仲fit過之前！每次post出靚相都會被網民大讚少女味濃，一啲都唔似生完BB～

近來忙著拍戲嘅Baby喺15日晚更新微博動態，貌似素顏嘅Baby吹住頭出鏡，並配文「好久不見了，頭髮吹乾了，晚安」。妝前妝後毫無差距嘅好膚質同少女氣息引發網友暴動，影片更加登上微博熱搜榜嘅冠軍，至今已經超過80萬人次瀏覽！

影片中的Baby頭髮雖然被吹得亂七八糟，但絲毫唔影響女神清秀嘅顏值，依然可以見到水汪汪嘅大眼、高鼻同櫻桃小嘴，同平時淡妝時分別唔大，難怪引發一眾網友讚嘆「素顏也是女神級！」、「吹頭髮也像拍MV」、「隨便截圖都是女神」。

被網民激讚嘅同時亦有聲音質疑Baby係用咗濾鏡美肌效果，根本唔係真正嘅素顏，更加翻出以往Baby被拍到嘅素顏照做對比，指「自拍」和「他拍」分別超大！

小編就覺得今次Baby因為素顏而捱鬧就真係有啲冤枉，畢竟佢都無講過自己係素顏出鏡～唔知大家對呢件事又點睇？

Source：Weibo