同囡囡激似樣!美人胚子郭羨妮公開小一學生相,仲同凍齡71歲媽媽素顏大比拼!

同囡囡激似樣!美人胚子郭羨妮公開小一學生相,仲同凍齡71歲媽媽素顏大比拼!

Trendy 人氣熱話
By Presslogic on 12 Sep 2017

唔知大家仲記唔記得曾經係tvb出演過無數劇集嘅郭羨妮?現年43歲嘅郭羨妮雖然少咗出現螢幕上,但最近就上載咗一張自己小學一年級時嘅入學相同網民分享,好多網民都盛讚小時候嘅郭羨妮就已經係美人胚子,而且仲同囡囡Kylie成個餅印咁樣!

郭羨妮係微博發布咗哩張學生相,仲留言表示:「昨天尋回小學畢業證書,還找到了我小一的入學照,我尖叫了!因為我發現朱小姐長得跟我當年一模一樣!」

sssartist01

就咁睇,髮型同整體輪廓的確同5歲囡囡Kylie有幾分相似,兩個人簡直好似親生姊妹咁呀!相信囡囡長大之後都一定會係絕世美女~

sssartist04

sssartist03

之前更係微博哂出素顏照,同媽媽加囡囡嚟個老中幼素顏大比拼,現年71歲嘅媽媽係哩個年齡都仲keep得好好,難怪連郭羨妮都願意敗畀佢~

sssartist03

外貌有啲鬼鬼地郭羨妮其實係中英混血兒,當年以選美出身,而且仲係當年實至名歸嘅「雙料冠軍」~

sssartist09

郭羨妮喺1999年以大熱姿態獲得香港小姐競選冠軍,同時更得到「最上鏡小姐」、「國際親善小姐」及「千禧才智小姐」等獎項!而喺2000年,郭羨妮代表香港參選國際華裔小姐競選,同樣得到冠軍,絕對稱得上「雙料冠軍」嘅最美港姐!

sssartist14

因為參選時樣貌有啲似1991年最上鏡小姐嘅樊亦敏,所以當時就被傳媒稱稱讚為「翻版樊亦敏」~

sssartist07

之後順理成章,郭羨妮就入咗大台成為演員,仲受到大台力棒,當時都出演過唔少經典劇集,例如:尋秦記、洛神、天涯俠醫、無名天使3D等等,雖然未必套套都做到女一,但係以郭羨妮嘅絕世美貌,光芒絕對唔輸女一!

sssartist11

到咗2011年,郭羨妮走入咗人生另一個階段,仲同咗中國內地動作導演朱少傑低調結婚,之後係2012年生咗囡囡Kylie,從此就少咗拍劇,多數時間都享受著幸福嘅家庭生活,仲會周不時係微博post幸福家庭照,簡直羨剎旁人!

sssartist12

一家三口嘅化妝照真係好可愛~而老公朱少傑睇嚟係化得最濃妝嘅一位(笑)~

sssartist06

sssartist02

已經冇乜出嚟拍劇嘅郭羨妮,原來係2015年8月因約滿而離開咗一齊合作咗16年嘅大台,而《無雙譜》就係佢係無綫嘅告別作~而家專心家庭生活嘅佢,睇嚟想睇佢出嚟拍劇都好難,粉絲唯有睇返佢以前啲舊劇懷念吓啦~

sssartist10

Text: Girls editorial

Photo Source: Weibo/Facebook/Pinterest


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic

Share to Facebook