【邊影邊學~認識香港文物古蹟】
廣告
廣告
今次帶大家認識中西區及尖沙咀三個約上世紀初的文物古蹟!
第一:舊精神病院
位於西營盤高街的舊古蹟由1998年重建後成為今日的社區綜合大樓,原來1892初建為醫護人員住所和及後的精神病女病房及精神科門診部。採用本地物料興建的巴洛克式建築風格實屬罕見!堂皇富麗石壁加上舊式走廊燈,遠眺如凡爾賽宮嘅一角咁呀!圖中為建築的尾段,確保不打擾人先留影一張。
(地址-香港西營盤高街2號)
第二:中華基督教青年會
於1901年成立嘅基督教會總部,現時已改為必愛之家宿舍、庇護工場及青年康體服務。列為香港一級歷史建築,當中古舊紅磚嘅外牆融合了中西建築風格,原來由一位芝加哥嘅設計師融合當地建築學的設計而成,在香港來說亦為罕見!
(地址-香港上環必列者士街51號)
第三:訊號山公園紅磚塔
一直視為拍拖勝地嘅訊號山公園,內裡有一個愛德華式建築的紅磚塔。
於1907年至1933年間為香港天文台向維多利亞港的船隻報時用的。公園入口不起眼,其實於K11後面近緬甸臺的垃圾站旁邊,入內沿着小斜路上就會見到大大個塔,非常典雅!
(地址-九龍尖沙咀緬甸臺訊號山花園 )
重點謹記:如果要去走走影一張半張相留念的話,確保唔會騷擾到內裡的人或堵塞行人通道呀!讀萬卷書不如行萬里路,一齊行去認識歷史悠久古蹟啦!