【Travel—文迪韓行 Chp.2 : Walk-In學跳舞 One Million Dance Studio】

By Mandy Or on 17 Oct 2017

對於喜歡跳舞嘅朋友嚟講，我諗大家都一定會聽過One Million Dance Studio。佢哋係韓國同世界各地都非常受歡迎，舞蹈種類題材多，唔同導師都有唔同嘅跳舞風格，有Beginner班又有比較複雜嘅上。而One Million 係YouTube Channel Po嘅短片，一Po上去，隔幾日觀看數字就瞬間過百萬。所以唔單止捧紅咗一堆導師，亦都吸引左唔少人慕名而來上堂。

-
今次既然去得韓國，其中一個好想去完成嘅項目，就係去One Million 上堂。

-
始終係Walk in ，諗緊會唔會Full曬，去到冇得上堂呢？
-

-
記得當時去到嘅時候係下午三點鐘，而佢哋開門時間好似係四點鐘左右。不過佢哋嘅職員都好好，見到我地兩兄妹好似好迷惘嘅樣子，都立刻問有咩可以幫到你。原來係One Million 入面係有識講普通話嘅職員。有咁好嘅機會，當然要問吓究竟我哋點樣可以申請上堂。
-
原來上堂機會係先到先得。
-
首先要喺上堂之前先登記及俾錢，然後喺上堂前，係教室門外依次序排隊及輸入返你設定咗嘅密碼，就可以等上堂架啦。一場黎到，都有買到佢哋嘅商品（就係我頭上戴住嗰頂，TShirt只賣淨男仔Size啊）

-
而我今次只係揀咗上一堂 (35000 W) ，當然上多幾堂，個平均價錢就平啲（記得俾咗錢嘅堂係要一個月內Redeem！）。係登記嗰陣，要先輸入你個名稱，密碼，最後影相就搞掂。嗰陣其實都幾興奮架，居然可以成為韓國One Million 教室嘅正式會員。姐姐仲話，下次你哋嚟，輸入密碼就可以上堂唔洗再登記了。

-
建議大家可以預先上網先睇一睇佢哋個Schedule，了解返有冇邊個老師嘅堂係特別想上，同時睇返老師嘅教學題材適唔適合自己。不過嗰陣既然早左到，就揀咗最快有得上嘅嗰班，係一個叫Austin Pak嘅老師。而呢一堂係佢今次編舞嘅第一堂，姐姐都建議我地上呢堂。
-

啱先講到先到先得，究竟要早幾多排隊呢？
-
每一班名額大概有60個。幸好當日係星期一，大家都要收工放學過黎，所以當時我哋早左大概三個字嘅時間，換埋衫，都好充足可以排到入去上堂。咁人氣導師嘅班呢？韓國姐姐話其實早大概半個鐘到都應該會上到堂架喇。不過我諗大家都係早少少去會穩陣啲！

終於去到正式上堂啦，呢一班唔係Beginner嘅班，所以學員都好勁，唔同國籍嘅人都有。聽到老師原來係教Krumping，本着試一試嘅心態，頂硬上，跟得就跟啦。
-
一堂大約兩個鐘，開頭先熱身大概20分鐘，就正式上堂學Steps！

之前都有聽過，One Million 嘅堂係教得好Chur，今次終於可以領會到。一個鐘入面，學左足足半分鐘嘅編舞！！！基本上，老師跳一節，你跟住跳。係咁緊迫時間，要佢拆Step 慢慢教你係無可能，加上Krumping節奏快，動作力度都大，唉，有少少唔知發生咩事啊。會建議大家可以上咗Beginner堂適應下個教學模式先，不過有可能都係好複雜。
-
係最尾教完曬編舞後，老師會睇全部人跳一次，男嘅學員一次，女嘅一次，全部人跳一次，再揀幾個精英跳一次。有睇佢哋One Million 嘅片都知，門外係有好多等緊上下一堂嘅人望住，所以都幾有壓力。

-
最後行去同Austin老師講聲多謝，話我地係嚟自香港嘅。老師都用英文叫我地加油，然後咁就完結左呢個課堂了。
-
我哋教室下一堂接著係 HyoJin Choi嘅堂，見到老師真人真係好興奮，好瘦，好有氣場。畢竟老師上過節目Hit The Stage，係好受世界觸目嘅舞者，所以個班Full到爆！最後我都係係門外望咗佢一陣就閃了。
-

不過今次學跳舞確實係一次好好嘅體驗！平時淨係喺Mon到欣賞嘅人，嗰個我好想去嘅Studio，所以係有Mission Clear嘅感覺。希望今次呢篇文章，可以幫到想去One Million 學跳舞嘅你地：）加油啊！
-

-