蕭正楠黃翠如結婚！曹永廉微博爆響口：「結咗婚係唔同D」，翠如BB已經正式成為蕭太？

自2014年公開戀情開始，蕭正楠同黃翠如就頻頻係幕前幕後大曬恩愛，認真Sweet到漏～蕭正楠亦曾經係記者面前讚女友係「不能錯過嘅好老婆」添！

蕭正楠（Edwin）同翠如BB一早已經有傳8月底喺出國秘婚，返嚟香港之後，兩人都齊聲否應8月結婚～連好友曹永廉都被下令向傳媒封口！

不過佢地嘅婚事似乎唔係空穴來風，事關10月16號Edwin Update微博，內容係恭喜曹永廉生日，重點係曹永廉亦都喺篇微博下面回覆：「你隻蕉真係成熟咗，講嘢冇咁口臭，積到啲口德，結咗婚係唔同D」！

哩則留言令到#蕭正楠黃翠如哩個Tag上咗熱搜，一眾睇開TVB大嘅內地網民都表示好支持佢地結婚！仲話要「恭喜梅姐」、「心疼天堂哥」、「剩下的樂少是我的了」，睇嚟內地嘅網民都好鐘意睇使徒行者，仲追得好貼添～

4日前Edwin喺Instagram亦Po咗張相：「美麗如此，你還會有昏前恐懼症嗎？」，令一眾Fans留言叫佢地快啲結婚！

二人喺2015年《師奶Madam》同蕭正楠假戲真做，擦出愛火花，更加憑住哩套劇成功奪得「我最愛TVB熒幕情侶」&「最喜愛TVB熒幕情侶」。兩人形象正面，觀眾緣亦唔錯，所以大眾對於佢地拍拖都表示支持～雖然佢地成日喺Instagram放閃，但係觀眾們都好鐘意睇，佢地仲時不時會拍住拖齊齊揾真銀～

上年播出嘅《幕後玩家》係兩人相戀後第一部以情侶檔合作嘅電視劇，佢地喺劇入面奉旨曬恩愛亦成為一時佳話～今年Edwin嘅《超時空男臣》入面同大小姐田蕊妮有愛情線，Edwin仲鬼馬地喺Instagram 叫翠如BB要迴避一下～

翠如BB亦都好識做，即使係自己冇份出演嘅《超時空男臣》，都會不斷喺Instagram幫手做宣傳，哩啲24孝老婆Edwin真係要Mark實呀！

唔知今次好朋友曹永廉有冇放流料，兩位當事人亦都冇回應～如果係真嘅話真係要恭喜蕭生蕭太啦！

Text Source：Girls Editorial

Photo Source：Weibo、Instagram