download GirlStyle 女生日常 app
【難忘北非之旅】

【難忘北非之旅】

Bloggers 專欄
By Gladys on 21 Nov 2017

雖然我未睇過「北非碟影」,但對於呢個電影名字大家都應該有熟悉既感覺,而摩洛哥正正係位於北非土地上。我一直都好想去沙漠騎駱駝感受沙漠既熱情同冷漠。而富有色彩既摩洛哥實在滿足我多個願望。

廣告
廣告

今次我地去既第一個地方就係馬拉喀什(MARRAKESH) ,當我一到步感覺好多當地人面對亞洲人面孔感覺相當新奇,後來我知道原來佢地好少見到亞洲人,所以佢地見到我地好熱情,唔怪之得我覺得成個Trip好受歡迎咁。由於摩洛哥太多分支小窄路,指示又唔清晰,就算用google map都好難搵到小型既地點,例如:住宿地點咁。出發前我已經知道當地人好鍾意收小費帶遊客路,所以我盡量唔會比人有機會賺小費,但必要時呢d小費都真係唔慳得,有二三次我又好好彩遇過真正有心人帶路而無收我任何費用,但如果去一d大型景點就絕對無問題。

MARRAKESH 個人認為必到摩洛哥最大神學院本約瑟夫神學院(Medersa Ben Youssef ),全學院分為二層,面積都相當大,裡面既建築風格仲非常緻細,充分表演出摩洛哥色彩。而其次就要去德吉馬廣場(Djemaa el-Fna),而呢個露天廣場係晚上才開始,你會發現呢度簡直係探索馬拉喀什最好地方,有動物馬戲、按摩、畫henna、江湖牙醫、有人大演身手,實在令人目不暇給。其中一件事必做就一定要搵間上樓餐廳欣賞非洲既美麗日落同俯瞰整個廣場,廣場既檔㰙什麼出奇食物都有,而我都只係挑戰飲左碗蝸牛湯,其實食蝸牛感覺同法式田螺冇咩分別,但個湯真係好咸,補充一句:係摩洛哥真係食咩都咸過人,真係帶定多d杯麵黎。

https://youtu.be/2YJYy9J02eo

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載