download GirlStyle 女生日常 app
君子分手不出惡言!張繼聰遭無綫封殺仍感謝大台栽培,粉絲:「冇左你就終於可以罷睇TVB!」

君子分手不出惡言!張繼聰遭無綫封殺仍感謝大台栽培,粉絲:「冇左你就終於可以罷睇TVB!」

Trendy 人氣熱話
By Cynthia on 23 Nov 2017
Digital Editor

張繼聰近年喺無綫發展得好好,連台慶重頭劇集都會預埋佢一份,戲份仲要唔少添!不過大家可能有一排會喺電視度見唔到張繼聰啦(嗚嗚⋯⋯)

廣告
廣告

有張繼聰份嘅電視劇口埤都幾好,之前有份拍攝嘅《老表你好嘢》、《忠奸人》、《幕後玩家》都有唔錯嘅收視,都算係福將之一!即使唔係無綫簽約男藝員,喺《收規華》入面都擔正做男一~

Screen Shot 2017-11-23 at 11.36.18 AM

Screen Shot 2017-11-23 at 11.39.02 AM

不過近日無綫50週年台慶都見唔到張繼聰嘅身影,有報導指,張繼聰受到老闆蕭定一同無綫嘅官司所累,令佢有一段時間都唔會出現喺TVB啦!

Screen Shot 2017-11-23 at 11.16.53 AM

Screen Shot 2017-11-23 at 11.41.09 AM

事緣係蕭定一公司喺2014年同佘詩曼簽約拍電影《十月初五的月光》,合約寫明18個工作天拍攝,收取190萬片酬。如果要額外工作,就收日薪11萬~當時仍然係佘詩曼經理人嘅無綫上年就入稟追討93萬5千,官司到而家都仲未完結。但係上月起就開始向佢旗下藝人開刀,連欣宜、Babyjohn等人都受到影響!

廣告
廣告

EC_ReturnOfTheCuckoo_poster

張繼聰睇到報導後,尋晚喺IG Post咗段片回應事件,表示:「大家好,咁今日出咗單新聞之後,好多謝大家嘅支持啦~咁嚟緊有一段時間唔可以再喺將軍澳出現啦!有啲說話都係好想係度交代嘅,首先喺過去嘅日子好感謝TVB對我嘅栽培,俾咗好多機會我啦,好多謝珍姐啦,好多台前幕後嘅兄弟姊妹呢,好多謝你地俾咗好多好美好嘅回憶我!將來嘅日子我會繼續努力,係我嘅作品入面,俾心機磨煉自己嘅演技!至於現在啦,梗係要「誇~一切要誇」,希望大家會繼續支持《誇世代》啦,我都好Enjoy睇每一集嘅!喺生活裡面呢,我覺得最緊要係隨遇而安,我會繼續努力咖,Thankyou!」

Screen Shot 2017-11-23 at 10.18.29 AM

其實張繼聰真係好無辜,因為佢今年8月先同蕭定一簽約,點知幾個月後就因為一單唔關佢事嘅官司而被封殺!連近日熱播嘅《誇世代》都唔可以出席宣傳活動⋯⋯即使俾無綫封殺,都仲呼籲Fans繼續追睇,真係好有氣量!!

Screen Shot 2017-11-23 at 11.22.03 AM

Screen Shot 2017-11-23 at 11.18.09 AM

非常有觀眾緣嘅張繼聰當然亦有一班網民支持佢,紛紛喺佢IG留言,有海外Fans話係因為張繼聰先會睇TVB、本地Fans就話「無左你就終於可以罷睇tvb luuu!! 」,仲話TVB係放虎歸山等等~

Screen Shot 2017-11-23 at 11.14.50 AM

Screen Shot 2017-11-23 at 11.17.38 AM

希望可以快啲喺唔同嘅平台見到張繼聰啦~

Text Source:Girls Editorial

Photo Source:Weibo、IG

 

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載