【3間必去特色Cafe!森林風、文藝系打卡位一次滿足~】

【3間必去特色Cafe!森林風、文藝系打卡位一次滿足~】

Lifestyle 生活 · Travel 旅遊 · Food 吃貨 · Photography 攝影 · Bloggers 專欄
By Crystal on 29 Dec 2017

近排上網,見到個個都係到介紹粉紅色既cafe同餐廳。''假如我沒有一顆少女心?''
相信總有一個 ''你'' 會覺得啲粉紅色同公仔太少女,唔係太適合自己。
如果你係鍾意影相,又唔歡喜啲太過粉紅色同太多公仔既餐廳,以下我推介既三間餐廳,總有一間可以得你歡心!

1. ETA 逸塔花園餐廳

真係聞名不如見面,果然無改錯名,入面真係成個後花園咁。平時鍾意影花影大自然既你,呢到一定唔會令你失望。
ETA係一間主打泰國菜既餐廳,食物水平唔錯,價錢都算合理。

unnamed (2)

投影片6

投影片7

呢間餐廳分左兩邊,一邊係普通餐廳位置,一邊係後花園位置,環境清靜,地方夠大。
唔影相就咁係到發下白日夢都係個唔錯既選擇。

IMG_6659

​呢到係必影既位置,真係超靚。個人覺得最特別係個幾棵仙人掌,
有左仙人掌襯托,啲花望落無咁單調。

IMG_6506

​每一個位置隨便影都可以好有feel,溫馨小提示︰正午12:00-14:00個段時間黎影相係最好。
因為有日光照射,不過可能就會熱少少喇。

當中同朋友叫左兩碟野,一碟係泰式炒金邊粉,一碟係冬陰公炒飯。另外叫左一杯芒果紅茶,埋單RMB132。

地址︰深圳金雞路田廈翡翠明珠七巧國二樓 (KFC旁) 地鐵桃園站B出口
出左地鐵站直行,望右邊,見到有個田廈排坊就轉入去,行到尾就見到間餐廳

營業時間︰星期一至星期日09:00-22:30

2. NOBU NOBU

雖然係一間粉白色既cafe,但絕對唔會太卡娃依,反而有啲韓風既感覺。
呢間café係十一月新開,暫時未有好多人知道。我同朋友四點幾去到都仲有位坐。
主要販賣都係啲cake同飲品,無熟食既。所以大家要食飽左先好黎啊!

投影片3

​cafe分左兩層,一樓以白色為主色調。簡單得黎比人一種好舒服好warm既感覺。
呢間cafe唔算好大,麻雀雖小但五臟俱全,而且唔會得好少影相位。

投影片1

投影片2

二樓就係以粉紅色為主。粉紅色得黎有啲小清新,唔會話太過粉。反而仲有少少藝術感覺。
聽講呢啲粉紅色絲絨凳係店主特登搵人訂造,出面買唔到既。

IMG_6626

IMG_6630

如果想影既位置比人坐左,大家唔好怕醜,絕對可以開聲問下可唔可以借個位黎影下相。
因為大家其實都係行黎行去周圍影,唔係坐定定係個位到既。

當日叫左杯熱既紅絲絨latte,味道唔錯,價錢唔算好平,RMB32。不過杯野飲就等左好耐先送黎。

地址︰深圳粵海街道海德一道觀景台商舖北二門旁(海岸城保利劇院對面) 地鐵後海站E出口
營業時間︰星期一至星期日11:30-21:30

3. 領間 Linger
呢間係cafe同書店既結合,最適合文青。店入面空間唔大,影相位唔多,但係單單一面書牆就好值得大家過黎。
最重要係人唔多,我同朋友去到既時候係無其他客人架。

投影片8

​cafe既雲石枱同啲沙發凳都係特別訂造,睇得出店主真係好有heart。另外呢到既主色調係白色同玫瑰金,望落好似好高級咁。

IMG_6669

​影相位真係得一個,但係呢間係我係三間餐廳入面最鐘意既一間。當日叫左杯水果茶好大杯RMB29。
相比頭二間餐廳,呢間好抵飲,味道都好好。另外呢到都有啲蛋糕比客人選擇,但我就無叫到。

地址︰深圳南山區阿里巴巴大廈T4座地下27號舖 (地鐵登良站C出口) 出左直行就會見到阿里巴巴大廈
營業時間︰星期一至星期日10:00-22:00 (逢星期二收19:00)

睇完三間餐廳,唔知有無一間係適合你既呢? 希望大家會鐘意我既分享。

黎緊再同大家分享更多好地方。

 
Instagram: clc_factory_
email: [email protected]

Text/Photo:Crystal


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!
九十後微胖女,貪玩貪吃,沉迷旅遊。

Follow Instagram: girls.presslogic

Share to Facebook