子華神發功！收山作門票被炒貴3倍怒斥黃牛黨：「唔好買！大家由得啲位空哂佢，我博盡補返比大家！」

現在香港人想正正常常看一場演唱會簡直難過登天，香港能搞大型騷的場地已經不大，選擇亦都不多，加上黃牛黨問題猖獗，令大家有騷都睇不得！今次連子華神都忍不住拍片怒斥黃牛黨，出名一票難求的黃子華棟篤笑騷本身已經很難買得到，今次更是他最後一個棟篤笑收山之作，昨日只是預售門票都已經讓大家陷入瘋狂撲飛情況，面對著自己的收山作《金盆?口》門票被炒賣，今次子華神都忍不住要發功了！

昨日《金盆?口》率先以信用卡優先訂飛預售門票，不過已經讓不少粉絲叫苦連天，有粉絲說打了幾百通電話都沒反應，有粉絲則說網上的系統長期都是停留在「The service is unavailable（系統不適用）」的頁面，甚至還誇張到連《金盆?口》的海報都load不到！

昨晚黃子華就透過個人facebook fan page開Live與粉絲澄清，在片中子華提到自己的製作團隊向他哭訴，事源是因為門票一公開預售就開始有電台、傳媒、記者找他們求證，說不少專門炒賣門票的「黃牛黨」都聲稱自己有內部渠道買飛，所以才導致真正想看的觀眾一飛難求！

不過子華就坦言，直到今時今日，連他自己都還沒有一張飛在手，質疑所謂的「內部渠道」究竟手持著甚麼門票。而有網民就po出黃牛開價，原本票價$880的門票竟然已經被炒至$2400，而$680的門票亦賣$1900，最便宜的$280門票更炒到$900，比原價高出3倍有多！

子華神更說，自己和團隊都有考慮過報警處理，不過由於沒有任何實質的證據舉報，所以被逼放棄。他更補充說：「黃牛最大嘅問題，就係根據現有法例唔係exactly係犯法，所以先每一個演唱會都出現咁多問題，我係度正式向政府有關部門提出係時候要正視！好多人話睇演唱會好似奢侈品咁，所以咪唔理你囉，當你炒賣iPhone咁。」

更提到有網民指他又食又拎，一邊公售一邊當黃牛留飛，感到好委屈，因為作為一個表演者和背後的團隊花了這麼多時間、心血去準備一個騷，到頭來卻讓一些沒有付出過的人去炒賣，然後長期支持自己的粉絲則買不到飛，以「我一路都接受呢個世界係唔完美，但係咁係太過不完美，係太過離譜。」這一句作自己的感受。

子華神更呼籲各位粉絲千萬不要幫襯黃牛：「唔好買，如果我做騷嗰陣，最前嗰堆位空哂，空哂佢」「如果我見到好多場都係咁，可能好多人都冇買黃牛，咁我咪補返比觀眾囉！不過可能要出年先補到」

「我同大家宣佈，我地4月24日會正式係售票網賣飛，係真正有飛賣嘅賣飛。4月24日我地總共會賣成20+幾場嘅飛出嚟」「原本我預咗兩場用嚟休息，而家唔休息喇；原本有一場我預左打風補返畀觀眾，唔理喇而家推哂出嚟比大家買」「上次11場紅館，今次門票幾乎是double，希望盡量滿足觀眾！我博盡！」

為了杜絕黃牛問題，子華神亦會推出「每人限買4張」的政策，認真親力親為解決黃牛問題，認真值得讚～希望各位24號都撲到靚飛，一齊開開心心睇子華啦！

Text: Girls editorial
Photo Source: facebook