download GirlStyle 女生日常 app
【出走香港!文青必到打卡點-深圳仙湖植物園~】

【出走香港!文青必到打卡點-深圳仙湖植物園~】

Lifestyle 生活 Travel 旅遊 Food 美食
By Jellia on 04 Apr 2018

廣告
廣告

「深圳」或者係文青最近愛去嘅熱點~
提起深圳~最近好 HIT 嘅「喜茶」「探魚」「Line Cafe」「Muji Hotel」等等~
基本上我通通都去過~哈哈~話晒都係一名「文青」~
今次朋友就推介呢個超靚景點比我~
絕對係打卡嘅好地方~

當初最吸引我去嘅係呢一堆堆嘅仙人掌~
(好啦~賣完關子啦~係時候要介紹返個地點比大家~)

登登登~就係呢個「深圳仙湖植物園」~
係就係比平時嘅熱點遠少少~
不過個人認為絕對值得去~
(順便行下出一身汗嘅好地方~)
因為呢個公園實在太大~我估計如果以我嘅速度~應該行10個鐘都未行完~

一入到呢個公園入口第一樣就係要買入場卷(CNY 15)
建議大家一入場就買車票(CNY 3)上去~(儲返少少腳骨力~)

廣告
廣告

上到呢個位落車~
呢到係個弦法寺廟宇~好多人專程嚟拜下神~
當然我哋無逗留係到~一路車即刻衝去會一會仙人掌~

慢慢行咗大約 30 分鐘~經過好多個館先到~
一去到就比一堆又一堆仙人掌、多肉吸引住我嘅視線~
之後就急不及待衝入唔同嘅仙人掌館~
(提提大家必需要帶水去~因為館內嘅溫度會再熱一啲~)
出完一身汗絕對要飲返多啲補充體力~

呢堆一個又一個肥肥白白嘅仙人掌見絕對係熱門打卡位~

太靚啦~

廣告
廣告

不過不得不提~大家絕對絕對要好小心~
仙人掌啲刺超~級~硬~
(話說我都唔小心拮咗手指一下~同去醫院比針拮手指一樣~即標血~
比針拮更加痛~)

睇完一個館就去睇另一個館~
探下我啲親戚~哈哈哈~同我一樣都係咁多・肉~

另一個館就以呢啲多肉植物同長身嘅仙人掌為主~不過都一樣好靚~

影出嚟嘅相又唔同感覺~

廣告
廣告

 

 

睇到仙人掌館都關~我哋就開始沿路行返轉頭搭車~

臨走嘅時候見到呢棵樹~幾特別~影返張留念下~

當日除咗去仙湖植物公園之外~
當然要去會一會探魚條魚~喜茶杯金鳳茶王~
仲去咗按腳添~
絕對秉承「 Work Hard Play Hard」嘅宗旨~
哈哈哈~

「深圳仙湖植物園」
地址:深圳市羅湖仙湖路160號
坐地鐵至「黃貝岭站」C 出口~再轉 220 / 363巴士~

Photo/Text:Jellia