【可能係最好用嘅面膜】

相信大家都有用面膜習慣，而我就對台灣面膜十分鍾情。
好多時都會預先訂再寄去酒店，有次我一訂就訂咗15盒！
你無睇錯係15盒，當然我都好懶，所以用到宜家仲有2盒。
當朋友個次同我一齊去台灣旅行，笑我傻買咁多面膜後，佢啱啱去台灣就做番我上次做嘅事，原因好簡單，因為佢試用完後都覺得好好用。
其實呢系列仲有其他唔同功效嘅，不過我用嚟用去都係保濕，因為實在好唔鍾意自己dry嘅感覺。
講到呢到立即比大家睇下究竟係咩面膜：

牛爾親研－森玫瑰水立方保濕系列－森玫瑰保濕面膜

其實之前係朋友叫我幫佢去旅行買，見佢一買買成三、四盒，女人天性咩都要試下，咁我就買咗嚟用下，從此去親台灣都要買…

粉紅色包裝總係令每個女士無辦法抗拒…

個時屈臣氏做緊TWD＄299 買一送一，見佢一盒有成10塊，講真真係幾平，所以急不及待就買咗。

裡面嘅精華有成25g，平時我用埋嚟搽頸J

包裝入面會有珍珠紙，為咗防止水份嘅蒸發。
以前我試過買一啲面膜係無呢張珍珠紙，拎出嚟個時已經乾哂…
所以亦都係點解宜家大都數面膜都會有珍珠紙在內嘅原因。

好多人話我頭細面細，所以你見我係痴唔哂…
我諗只有for bb用嘅面膜可能會啱我size。
但係你可以見到其實佢係超貼！
我隻手仲係到接番滴落嚟嘅精華搽番落頸…

敷慣面膜嘅你哋一定唔會陌生，一般面膜都係敷15－20分鐘。
既然面膜唔可以重用，一敷緊係敷盡20分鐘啦。哈哈！

全素顏！
敷完真係feel到皮膚超水潤同保濕，盡量每日化妝前我都會一敷，因為可以上妝貼服啲，如果皮膚太乾會浮粉嫁！
不過當然敷面膜同時，大家都要常飲水，咁先可以時刻都水汪汪嫁。

（★★★★★為滿分！）
貼服度：★★★
保濕度：★★★★★
吸收度：★★★★