【人氣熱門Ig小食店分享】

Instagram上面有大量嘅小食店，由一般千層蛋糕，芒果物物至依家流行嘅韓國小食都有。但質素同價錢參差，以下兩間賣嘅相信都會特別少少。

第一間 Feifei小廚房 (Ig:feifei.crazypie)
呢間係人氣麥提沙糯米糍Sumsum derssert嘅另一間店，主打特色甜咸批，會因應季節而推出不同口味，全部人手制作，一星期會轉一次口味，每次可以有4款選擇。有唔少係出面食唔到架，例如麻辣手撕燜雞肉批。

今次試左最多人買嘅班尼迪克蛋碳燒雞肉批(HKD$25@1 $45@2)，份量十足架，完全冇偷工減料，批邊充滿濃郁嘅牛油味，上面係流心蛋，下面係蛋黃醬加雞肉，兩樣擺埋一齊好夾。下次有機會一定會試埋其他味。

第二間係主打醉品嘅mini3b_store(Ig:mini3b_store)
店主係一個90後嘅媽媽，賣嘅全部都係自制醉品，推左出不少原創產品，例如醉酒雞軟骨，原隻醉酒鴨胸，亦有最新推出嘅藥膳海鮮醉品，有蝦同鮑魚。全部採用新鮮食材

想一次過試下多啲款式嘅可以選擇買abc set(HKD$110),可以向A B C三個項目內自選各一樣，圖為魷魚，雞軟骨，雞翼。樣樣都好入味，亦食得出係真係用酒釀，而非味精做嘅，雪凍食效果更加好，(圖因爲我太喜歡食，所以偷食了~)實際份量絕對唔止今少，可以放心

啲雞軟骨好大粒，連肉連骨架