【捱到?捱唔到?】
前文講到遇到「開會仲去洗手間?」既狀況,其實我最多都係懶攪笑咁比吓説話大家聽。
廣告
廣告
近排又話有會計師大行有番工無放工,遲到罰錢,限去廁所等等 topic
Car 姐之前都喺行內「鬼見愁」公司走番出嚟。能夠全身而退而無冇穿冇爛,其實都要多謝「地獄公司」早幾年訓練有素,練得一身銅皮鐵骨。
喺呢間公司做時,我地通常叫自己做「賤民」,賤民既怨氣係好大既。一班賤民一路做一路鬧,自己當然係一份子啦。假假地都外國大學畢業,乜料做到死人工低於市價,OT冇補水做到點幾(am),weekend 番工冇補假,前一日下午飛機第二日一早落機 hello 一陣公司見,出b仔年年肥上瘦下等等。
但一路鬧又一路做,原因?知呢間係大公司囉,亦知出面相信如果你喺呢間野捱到証明你好打得囉,即係為個名囉。
唔滾唔知身體好,唔捱唔知捱得到。
捱吓又三年,好快又三年。我當時有一個信念,捱過左就係一條好漢。
工呢啲嘢都係你情我願,有供有求,所以永遠有人辭工歸故里,有人漏夜趕科場。
喺呢類型公司捱過左,如果你本身又非池中物,一定有番回報。
姐妹,加油!