【成世流流長，總會愛上幾個「情人渣」】

關於愛情，各位姐妹唔知遇過幾多個「好人」？

Isabel 話「成世流流長，總會愛上幾個人渣」

對，我今日講既係「情人渣」！

Car 姐就有好幾個經歷想分享。

個案1

某年某日，喺酒吧遇上才俊，人家年薪二百萬。起初好 sweet，好快好愛好快公開又見朋友又買禮物又叫佢去佢半山屋企住，以為人生從此就幸福無限。點知對方係嫌你「行頭」唔夠，買禮物改造你去襯自己。又為$500超市數同你計到盡。

呢個可憐人從來無諗住有咩著數，以為自己終於遇上一個好愛自己既人。

真係少女心，太天真！

個案2

年青人初戀無限touch，離合幾百回，掟煲唔掟蓋。

一方痴痴著迷，以為眼前既一棵草就係一個樹林，願做你腳底爛泥。

另一方當你老襯，襯火打劫，分手後仲買呢樣買果樣。

呢個可憐人從來無諗來比人利用，以為自己好一把情長劍，穿越兩顆心。

難為最終插入自己心，別人就只加兩滴眼淚來陪襯。

無三不成幾，Car 姐當然仲有三四至一百既故事可以分享。

但我相信姐妹們或多或少遇過愛情憾事，流過眼淚，然後再拙壯成長。

分享吓丫！