【飲勝】

而家女中豪傑多， Friday night 放工飲杯野已經唔係男生既專利。
姐妹們壓力一樣大，真係好需要(工)事後酒嚟紓懷一吓。
以前好打得可以比百幾蚊任飲「工業用酒精」，唔知幾點前任飲飲到嘔務求一醉解年少千萬愁。
到番咁上下年青既日子過左少少，酒就不能以 quantity 計而係 quality 計。

Car 姐乜酒都飲，睇場合囉！
我試過有次去打邊爐，叫左支啤酒。有個 friend 以一種嫌棄既聲線問，「你飲啤酒呀！」
嘩！有咩唔妥先？
你叫左支氣水，咁唔通我叫白酒自隊一支呀？打邊爐喎！你有 gas 我有 gas 啫！

有時一杯在手，心中既豪情會自然爆發。三個朋友，你一言我一語，互相安慰！
「山重水復疑無路，柳暗花明又一村」
「石碎路爛仆街行，風吹草動英雄塜」
「仆街自有陰司路，英雄珍重莫跟從」
(Ben sir 話仆街唔係粗口，所以我不作刪改)

何等力拔山河！

Car 姐唔賣廣告，但我分享！

諾士佛臺有間日本餐廳，係一個飲清酒既好地方，清酒既種類多！叫一杯又得，叫五勺又得，試完一隻再一隻，比叫一支330ml既開心好多。

喜帖街又有間韓式小館，mixer 好飲又靚。
有時女仔係麻煩既，cocktail 靚啲，飲得又開心啲！

嗱，如果想知喺邊，我喺 post 講左餐廳名架喇！自己領悟吓！?