每個女仔都有一個「胡說八道會」！閨蜜中必有6種角色擔當，女神、吃貨、傻大姐你係邊個？

最近《胡說八道真情假期》開播，大家隔著電視都感受到佢地嘅「嘈」同好感情！互窒暗寸講野勁Mean，但有事卻係最撐你嗰個，心裡面不知幾愛依班好姊妹〜而大概每個女生都有專屬嘅「胡說八道會」閨蜜圈，可能係3､4個甚至7､8個之多。而閨蜜組合中，總有依6種屬性嘅女生，雖然大家性格不一，卻出奇地融洽熱鬧，係圈子中你又擔當邊個角色呢？

1. 女神

最鍾意扮靚買新衫，任何新品都要火速購入然後向你呻窮，還會慫恿你一齊買（明明衣櫃90%嘅衫都未著過！）每次出街都至少用兩個鐘裝身，化妝Set頭Gel甲保證要全天候Keep住女神形象！去靚靚Cafe約會嘅話，要先影100張相你才可以開動（笑），因為娘娘要Up Instagram呀〜但自拍總係佢揸機，因為「女神」最識搵角度〜

2.女神經

同女神走極端嘅女仔，玩得最癲最放，影相總係擺最醜最奇怪嘅誇張表情，任何傻事瘋事也會做，完全唔Care形象！活得沒心沒肺的，見到搞笑無聊野都會Tga你們，都唔知好嬲定好笑！但通常都係最大量唔記仇，閨蜜嗌交時講一兩個冷笑話就能令你地破涕為笑，有佢嘅聚會一定充滿歡樂，絕對係你地嘅氣氛專員！

2. 吃貨

閨蜜聚會食乜？生日Party係邊搞？去旅行有咩必食名店？搵你地嘅美食GPS吃貨女啦！一有新美食就會Tag曬你地拉你們去一一試勻！甚至會隨身帶住零食，跟住佢一定唔會餓親，甚至會有增磅危機！就算激嬲左佢，帶佢「食好西」就一秒消氣了〜

3.傻大姐

大頭蝦又甩甩漏漏，掉東掉西，唔見錢包八達通係平常事，有時反應比人慢三拍，可能你地講完個笑話，佢10秒後先Get到嘅天然呆！雖然睇套狗血韓劇都會哭到眼腫，但沒機心，對邊個都好〜雖然閨蜜都鍾意蝦佢笑佢，拎佢黎講笑，但其實個個都超錫佢啦〜

4. 女漢子

打唔開嘅包裝或樽蓋？搵佢！被渣男蝦唔敢講？搵佢！個性大喇喇爽朗，從不屑於裝嗲撒嬌，卻自有一份自信的魅力，有時會覺得佢好型（笑）係閨蜜中擔當Leader角色，有咩人生交叉點決定唔到嘅事，問佢意見就最好，一定可以幫你理性分析果斷抉擇！你甚至會諗如果佢係男，一定要搵佢做男友〜

6. 文青

長裙、貝蕾帽、黑長髮...Cafe係佢她第二個家，睇電影、文學作品、逛逛美術展手作市集同睇話劇就係佢嘅娛樂。喜歡個D清新唯美，又有意思的小物，有DIY、寫手帳等充滿生活情趣嘅習慣〜

你又搵到嘅角色擔當未？快Tag Tag你嘅好閨蜜們吧〜

Text：Girls editorial

Photo Source：Instagram