【迎接2017秋冬既顏色】

踏入10月，秋風漸起，秋意漸濃……
轉季第一件大事系咩？梗系要準備好你既衣櫃啦！對於購物慾強既sis呢
刻肯定忍吾住興奮期待既心情，想即刻去各大boutique戰鬥一番。但前提系你
捕捉到今年秋冬會興咩顏色未？“Um……”如果你有甘既反應，你就細心留意一
下一下既小小提示啦。

大熱顏色之一：波特紅/櫻桃紅

紅色絕對是今年頭號大熱既顏色，歐美流行的紅色叫波特紅，因為同波
特紅酒顏色接近，所以叫波特紅。簡單黎講就系酒紅色，呢種顏色比較襯皮膚
白既姊妹，著起黎會有D華麗，女人味十足既感覺。

而日韓流行既紅色系櫻桃紅（歐美叫石榴紅），但小編覺得更似橙紅色，感覺比波特紅年輕洋溢一D，比較適合少女，系人山人海既街度絕對一眼望到。

大熱顏色之二：草木綠/森林綠

今年都流行呢種屬於大自然既顏色，望落去好舒服。同樣，歐美都系偏
好搭配絲絨或針織布料，襯托女人雍容華麗既一面，歐美既明星模特兒著起黎
有一種復古既味道。

而日韓都系比較減齡既森林綠，由於顏色同樹木非常接近，令人感覺非
常清新舒服。

大熱顏色之三：牡丹藍/天空藍

好靚既名，牡丹藍，比較接近我地常較既藏青色，由於顏色比較深既關
係，好容易會睇成黑色，但歐美時尚將牡丹藍搭配絲絨及質料，系燈光下，絲
絨反光既表面會將牡丹藍既顏色反映得淋漓盡致。

如果吾系甘中意深色既姊妹可以選擇天空藍，顏色亮麗朝氣勃勃，系今
年日韓流行既顏色，相信吾少少女會一見鐘情。

大熱顏色之四：奶油棕

前兩年無論系彩妝或時裝都流行大地色系，例如加啡色，泥土黃等等，
而今年日韓流行既呢隻奶油棕，相信系溝淡左既大地色系，非常吸睛，著上去
完全突出淡雅既氣質，又有親和力，好適合第一次約會著。

大熱顏色之五：仙氣紫

淡淡既紫色絕對系顯氣質既顏色，紫色會成為今年韓國流行既色系一D都吾意外，因為韓國女仔皮膚白，著起紫色黎會更加有仙氣，又有少少鄰家女孩既感覺，各位姊妹今年一定要準備一件喔！

秋冬即將黎到喇，各位姊妹記得系瘋狂購物之前要做好準備功課呀，甘
先可以掌握到色彩斑斕既秋冬時尚喔~