【IH CAFÉ (南山店) 獨具一格既別墅咖啡廳】
今次有一間不得不介紹既café,IH CAFÉ…佢有兩間分店,今次就介紹住一間先,仲有一間就留反下次先講啦…haha~~最令我難忘既一定係南山店呢間開業左只有一個月左右既分店~~超值得去的,顏值實在太高啦!!簡直超出期待!!重點係無!人!
兩家店完全不同風格,南山呢家比晒五粒星,不論環境定食物賣相質素等等~~所以想去既就快d去啦,好快就會爆紅,因為分店開始宣傳呢間新店!!我係星期日下午2點左右到達,只有2-3人在café影相,但好快佢地就走左,我地就獨佔左間café 啦><
一入去就見到成間粉藍為主既café,右邊係一大片長長既彩虹牆,地上有不少比人盡情影相既道具,例如獨角獸同埋貝殼,完美!!
呢度每個房間都可以比人拍照,地下個層係比大家坐係度食野同飲野既地方
行上一樓既走廊就馬上見到有個小帳篷,超級可愛
然後見到就係主題拍攝房,一間係黃色為主,不過順便提一提,呢間黃色主題房影出黎既相之後一定要後期加工,相片d顏色先夠好睇…
另一間係以黑白為主既型格房間,岩晒不同風格既姐妹們,房間都夠大家影上大半日,我就係IH CAFÉ留左成4個小時…
招牌飲品一定係milkshake系列,超公主夢幻,周圍仲圍住左一圈棉花糖~~自拍左勁耐阿我~~(好多人都私下dm我問張相係韓國邊間café haha)
地點有d偏,但就係偏先少人去呢,大家一定要好好睇住百度地圖定位去阿~~
地址:深圳市南山區蛇口太子路碧濤別墅10號 (地鐵海上世界站或蛇口港站)
時間:11:00-22:00