【3間粉紅少女餐廳,趕快標記妳的粉紅控閨密!】
吾知幾時開始,周圍既餐廳都係粉紅色主題,相信粉紅控去極都吾會厭既。今次同大家介紹3間粉紅色餐廳係深圳,又有新既地方去啦!
1. PINKYSIX
一聽個名就知係粉紅主題。遠距離已經見到成間粉紅色,就知道自己冇去錯。出面已經可以影好多相,去嘅時候真係要記得帶多張相機記憶卡去慢慢影!
一入去見到嘅係仙人掌牆壁,加上粉紅色背景,望落好舒服。呢個係必影嘅影相位。
入到去發現都幾大,有好多唔同嘅位都影到相。因為平時好怕啲餐廳,得一個影相位,大家就要鬥早去坐嗰個位。
呢間餐廳有好多唔同嘢食,大家就唔使怕嚟到剩係得甜品食。今次有叫到鹹食甜品同飲品。嘢食味道都唔錯,甜品都幾好食,唔會太甜,杯嘢飲都幾靚唔會太過甜。
呢度影得都幾靚,可以有自然光照射。而且空間夠大,唔會好迫,可以慢慢影。而且仲好多公仔比你拎住影相,真係唔使驚影唔到靚相!
Info.
Pinkysix
信宜四路(集悅城B區47棟)
2. DREAMIYA
之前已經去過呢間甜品店,覺得佈置好靚,而且甜品好好味。依家開咗分店喺創意園,一定要去睇睇。
店內設計簡約,俾人感覺好舒服。周圍都有唔小粉紅色嘅裝飾。
行到入去都見到好大張粉紅色沙發, 粉紅控可以喺度留一個下晝。
呢度係主打食甜品,有好多唔同甜品選擇。甜品個樣可愛又得意,真係唔捨得食。飲品都有多款選擇,而且味道都唔錯。
其實店內小細節位都好靚,你會發現佈置得好精緻。餐廳嘅座位都有好多,唔怕去到好多人要等位等好耐。
Info.
dreamiya
創意園南區F1-a2
另一分店:
香軒路8號深業培訓學院1樓
3. IH CAFE
呢間cafe,入面係超級超級粉紅。鍾意粉紅色嘅,一定要去!
一入去,見到好大個波波池,一邊有好多唔同水泡。即刻變咗小朋友,要即刻跳入去玩。
餐廳裏面都有提供甜品同飲品,揀咗一舊外型雲嘅蛋糕,飲品揀咗水果茶。
餐廳內環境真係好粉紅,有好多唔同少女心裝飾。女仔入咗嚟, 係唔會捨得走!
真係每一個角落都係粉紅色,所有一切都係萌萌的。
呢個角度睇,餐廳真係好靚,好想摘一舊雲返屋企。
Info
IH CAFE
寶安大道銀田創意園C5棟一樓
另一分店:
蛇口工業一路
希望大家鍾意我嘅分享,下一次再同大家分享深圳其他cafe。想知道更加多靚嘅地方,可以follow我Instagram。
Instagram: siuulamm
Text/Photo:siulam