【新一年～郊遊寫生行大運】

新年有個新開始，決定跟sketch group「wahayeah」一起遊石澳&畫下畫！

我地約左1:30pm係石澳巴士總站集合，聽完「wahayeah」大佬pang bear簡介完石澳黎，我地就各自搵景畫畫喇～ 唔係pang少介紹我地唔知原來石澳係「喜劇之王」取景既地方。

呢棵樹就係當年「喜劇之王」其中一個經典場景，不過棵樹比起當年斜左好多了，要用鐵架支撐住。

2個鐘既自由畫畫時間，首要任務就梗係～ 醫飽個肚先啦

我地行左一個圈，發現當地居民開既麵店，一場黎到梗係要試下d地道美食啦

麵店係天后古廟隔離，食客十分多價錢合理，一個燒鴨瀨單併都只係$26,好抵食

叫左碗燒鴨瀨，瀨粉的份量唔算多，反而燒鴨就有5大件，好足料，燒鴨既肉都好淋身，總體評分係好味又抵食。

食飽飽就開始周圍行下，搵位畫畫～

唔知大家仲認唔認得海邊呢個酒店，就係「喜劇之王」入面周星馳招募街坊演雷雨既場景。

好型扮哂pose咁畫畫

兩個鐘好快就過去啦，大家集合番一起拎哂d畫出黎互相交流意見，跟畫畫group最好既係可以聽下其他sketcher既畫畫心得，同埋一班人出外寫生特別開心，大家有機會都可以試下join sketching group或者自己同朋友一齊郊遊寫生～

超簡單入石澳的方法： 筲箕灣巴士總站坐9號巴士，總站落車，車程唔洗30分鐘。