元朗食好西餐廳,值得一試之ALDOU CAFE

元朗食好西餐廳,值得一試之ALDOU CAFE

Food 吃貨 · Bloggers 專欄
By Mennan on 15 Jun 2018

好耐冇去元朗搵野食,今日就搵咗個地膽帶我去元朗食好西。
早上十一點幾,地膽朋友帶咗我去一間叫 ALDOU CAFE 嘅小店,佢話呢間Cafe可以話喺元朗食好西最好嘅一間!佢話價錢唔貴,味道又好味,所以我地就黎試下。


ALDOU CAFE 營業時間係中午12點開始,我地一行3人就喺門口等開門。
未夠12點,店員出黎問我地係唔係入去食lunch,未夠鐘就俾我地入去坐下涼下冷氣等夠鐘,都幾貼心❤

入到去,店舖小小,大約可以坐30人,環境都幾優雅,但係坐位迫咗小小。


睇佢個menu,午餐都幾多選擇,所有午餐都有飲品,部份仲有餐湯,啱曬我呢個湯王! 我地叫咗巴馬火腿蜜瓜沙律、虎蝦肉黑松露忌廉意大利飯同煎焗厚豬肉眼,而餐飲就加錢要咗兩杯Iced Latte 同手工啤酒。


我地坐咗一陣,已經陸陸續續有客人入黎,有d仲之前預訂咗添! 過咗一陣,就有餐湯飲,是日餐湯係蕃茄濃湯,仲有餐包配送!
個湯真係好好味,上面仲有忌廉拉花,真係好有心思。



過咗一陣,間Cafe已經滿坐,睇黎都好多人識黎呢度食好西! 間餐廳係開放式廚房,可能人多而廚師得兩個,佢每分餐都逐個逐個慢慢做,我地飲咗個湯等咗大約30分鐘先有野食!

個巴馬火腿蜜瓜沙律都幾大碟,$68都算抵。


煎焗厚豬肉眼就一般般,哎落下仲硬硬地唔夠軟,唔係太啱我口味!



虎蝦肉黑松露忌廉意大利飯,簡直係我至愛! 3隻大蝦,淡淡黑松露味,意大利飯口感好正,呢個堅係正!



杯Latte都幾好飲,但又未去到最好飲,總好過Paxxxxx Coffee。



最後大約食到1點,個職員好有禮貌同我地講有人等緊位請我地埋咗單先,我地先發現出面有人等緊,所以即刻埋單走人,無謂阻人做生意。


整體黎講,食物都幾好食,環境ok,如果出餐可以出快少少,咁我地就唔使等咁耐又唔會阻到其他人黎食啦!

下次有機會一定會再試下佢其他出品!


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!
我最鍾意四圍去玩,旅行啦、飲飲食食啦、睇戲、游水、上堂學新野,仲會日日上facebook同大家分享下我每日做咗咩食咗咩好野睇過咩戲等等!

Follow Instagram: girls.presslogic

Share to Facebook