Kenny上載15年前Boy'z 娘爆寫真！自嘲排骨仔笑Steven都瘦過，雄風Pose魚網衫超經典〜
早前Kenny（關智斌）同Steven（張致恒）擔任張敬軒演唱會嘉賓，Boy'z久違的合體演出同一首《死性不改》成功勾起無數人的集體青春回憶，更透露Boy'z將舉行個唱的消息令人興奮不而！而Kenny同Steven近年更是男大十八變，Kenny日前就於IG上載15年前的Boy'z 寫真，倆人娘爆的Pose衣著和青澀帥氣的臉孔成功再一次引起哄動！
光看到《YES！》已經令青春回憶番曬黎！Kenny再翻拍多張03年推出的《Boy'z 2gether 王子版》寫真，當年倆人真是風靡萬千少女的青春美少年，乾淨秀氣的五官和一陽光一溫柔的氣質，大家當年一定和朋友爭論過Kenny還是Steven較帥氣吧？
不過〜現在回看當年的Pose及衣著真是慘不忍睹，羅湖風的魚網衫甚有陳展鵬的Style（笑）還有花襯衫等等，但顏值搭夠畫面依然是養眼的！！
難怪Kenny都忍不住留言自嘲：寫道：「多謝你們最近也不停勾起我的回憶，所以突然想到從書櫃深處找回這一本寫真集#笑到我呢#當年點解會有勇氣咁做#兩個排骨仔#有人係曾經瘦過#當年係男子寫真銷量第一#因為係唯一一本#好人好姐邊個會去影呀#一定都係Mani吩咐#雄風pose加埋個咀一定要搵啲嘢咬#魚網衫#睡床半裸惺忪眼」
近年Kenny努力操肌練成Fit爆身材，加上留鬚男人味激增，完全告別當年青靚白淨的「小斌女」形象，讓人眼前一亮！而Steven近年則...有幸福肥的跡象，以往的清秀尖臉都被圓臉代替，令Kenny都要笑言：「有人係曾經瘦過」
而網民的留言更是精彩得讓人大笑：
「史提芬張得到嘅係一把殺豬刀，你嗰把係美工刀」
「張致恆這幾年經歷了啥」
「個時既Kenny 薄到成張紙咁」
「@stevencheung 請你瘦回來！我們會來看演唱會的！！」
另外很多留言也回憶青春時的追星經歷，眨眼間原來已經十幾年了：
「個朋友以前係你fansclub副會長定組長之類 十幾年前喇哈哈哈 而家我地嘅小朋友都識行識走 唔知有冇機會再睇你地開演唱會呢? #來年光陰會怎麼過人人奮進或依舊傻」
「我想講steven 果陣真係好靚仔！ 痴到成個床頭都係佢地啲海報」
「眨下眼就已經有十幾年，我記得當時我都有睇呢本書，雖然大家都係度變，但其實內心深處都係無變過」
「我嗰本好似仲喺床下底同twins放埋一齊！」
Boy'z真是90後的青春回憶，期待看到他們的演唱會啊！
Text：Girls editorial
Photo Source：Instagram
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
