如果仲未跟上#莫蘭迪配色嘅話，你就太out啦！

不知不覺已經到咗應該係秋天嘅時候啦，而之前俾大家熱烈討論嘅宮廷劇《延禧攻略》雖然已經完咗，但劇中用嘅色調和人物服裝配色，因為同義大利20世紀嘅藝術家喬治莫蘭迪所使用嘅配色相似，都係帶有柔和、冷灰嘅色調，近期喺女仔身上嘅妝容、指甲油，甚至到房間擺設嘅配色都十分受歡迎嘅「莫蘭迪色調」，如果咁都唔知道嘅話你就太out啦！

莫蘭迪色以柔和、低彩度嘅色系為主，又似喺顏色上咗一層灰階嘅濾鏡，令視覺上感覺更為沉穩。

咁靚嘅配色，當然要即刻套用係穿搭打扮上啊！

適逢秋天嘅腳步接近，喺衣服嘅配色上會開始出現較飽和、恬靜嘅顏色，小編個人覺得莫蘭迪色根本就係今年秋冬嘅大勢配色XD