吳幸美老是常出現!《愛回家》曲線恥笑《東張西望》,輝蓮戀情再次虐起來!

吳幸美老是常出現!《愛回家》曲線恥笑《東張西望》,輝蓮戀情再次虐起來!

Beauty 美妝
By PressLogic on 10 Oct 2018

有追開《愛回家》嘅觀眾都應該好鐘意睇大小姐+送水輝嘅感情線!隨著佢地戀情逐漸進入穩定狀態,佢地嘅互動都越黎越Sweet,睇到一班觀眾每集都露出姨母笑容~不過佢地仲係發展緊地下情,每次都淨係可以留喺「覓雪琴室」入面約會,喺今集,佢地終於踏出琴室嚟個野外Dating啦~

204550_17cf88e37b96d7b64ef949c9ead92f3d

喺琴室拍拖嘅生活都好苦悶,例如送水輝每次都係整「梳乎里」俾大小姐食、將一千塊拼圖砌完又砌等等⋯

Screen Shot 2018-10-10 at 10.58.13 AM

當大小姐見到各位女同事喺度討論元朗大棠紅葉嗰陣,仲扮哂不屑咁,轉個頭就約送水輝去瑞士賞紅葉!不過送水輝就因為放唔低Philip仔,所以提議去大棠,結果佢地決定一朝早去大棠睇紅葉啦~大小姐喺大棠等緊送水輝期間,竟然遇上電視台做訪問!

Screen Shot 2018-10-10 at 11.31.33 AM

而呢個主持人就正正係吳幸美,大小姐仲扮係日本人嚟睇紅葉,點知吳幸美都講得兩句日文,令到大小姐即刻露涵!原來佢係識講廣東話嘅~

Screen Shot 2018-10-10 at 11.31.49 AM

喺大小姐情急之下,佢唔小心推跌吳幸美+攝影師!點知成件事就發酵成為「大棠暴力事件」,仲被電視台出拼圖追緝大小姐添!!

Screen Shot 2018-10-10 at 12.05.52 PM

呢一幕令到唔少網民都覺得好搞笑,仲覺得佢哋係曲線恥笑《東張西望》!今集有吳幸美客串,亦都係完咗網民嘅一個夢呀~而今集亦貫徹《東張西望》嘅作風,旗下藝員無論有紅白二事都必定要接受訪問,吳幸美都唔例外,破相都要接受訪問!!

Screen Shot 2018-10-10 at 11.36.23 AM

當送水輝同大小姐決定衝出琴室,去午夜場睇戲嘅時候,竟然遇到爸爸同明星約會,爭啲俾爸爸識穿佢同送水輝嘅戀情!而編劇們亦都有跟返劇情,見到Terry仲係一身「IT狗」嘅裝扮,小編真係忍唔住笑咗出聲!

Screen Shot 2018-10-10 at 11.52.00 AM

雖然佢地最後都係要留喺唔見得光嘅「覓雪琴室」,但係送水輝專登喺牆上畫咗一棵紅葉俾大小姐,不過呢種平淡又簡單嘅幸福唔知可以維持幾耐⋯

Screen Shot 2018-10-10 at 11.55.14 AM

因為爸爸已經決定咗要介紹門當戶對嘅何公子俾大小姐認識,見到大小姐眼泛淚光、若有所思咁苦笑,真係Sweet得嚟又帶點傷感⋯⋯

Screen Shot 2018-10-10 at 11.55.36 AM

一大班網民都希望編劇唔好拆散佢地,咁難得先可以互相確認心意,可唔可以寫到佢地光明正大拍拖呀~~~

Text:Girls Editorial

Photo Source:TVB


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic

Share to Facebook