MOclinical 水母神仙水

話說我之前用曬支爽膚水，又吟啱個日去做facial，做完之後問下美容師有咩介紹佢就介紹咗我用呢支「水母神仙水」
本人非常容易被「神仙」「瞬間逆轉」「奇蹟」呢啲字眼吸引，所以二話不說就買左，然後當晚急不及待試用。
步驟如下：
1.） 照常洗面
2.）去角質（因本人有化妝習慣所以隔天試用，不過每次試用新產品前都會去一去角質，皮膚面層乾淨d，可以試得清楚d）
3.）「水母神仙水」-直接泵兩下用手拍上面
4.） 面霜
果然，第一下試用感覺良好，先係好水潤，一開始塊面濕笠笠，不過極速吸引之後，摸下好鬼滑，（心理作用）我覺得搽面霜都吸收d 囉
美容師話，用耐d 連紋，色斑，都淡到喎！（係咪真係得？）等我試多個星期再同大家滙報。
順帶一提！我今個星期開始朝早都用，用完上妝係貼d嘅，真心！