【分離從來不易】

時至今日，阿仔同我肉體分離剛好五個月。
回想過去嘅十個月，每一分每一秒佢都同我黏在一起，呢段時間我地一齊完成左好多大大小小嘅事。
幸運的我一丁點妊娠不適都無，肚亦唔算大，輕輕鬆鬆的過左十個月，佢陪我笑過，忟過，喊過，一齊做孕婦瑜珈，下刪一百樣東西不能盡錄（大概呢段記憶就只有我擁有吧）

到今日返睇自己上年halloween做嘅定期盆腹腔檢查時， 仲係只有一個水泡大小的佢係超聲波儀器下初現真身，跟住一日一日係我個肚內長大，漸漸感覺到佢嘅重量，到開刀個下佢用喊聲同我、同呢個世界打左聲招呼。
不得不慨嘆，人體之奧妙，宇宙之神秘，醫生之手勢純熟迅速！

提外話： 一個生命從另一個生命爬出，本人覺得非常之異形科幻(哈哈哈。。。）

記得生之前個刻，係產房等緊麻醉師嘅時候，我摸住自己個肚，同bb 講左句 「媽咪唔捨得你離開我，不過夠鐘啦係時候出來 show quali ，一陣唔洗驚，媽咪係到等你呀，see you soon」

到而家每日我要出門口同佢分開前，雖然已經五個月，都仲係好唔捨得，好想不停望住佢，不過我明白凡事都要有個適當嘅exit point.
從來都相信：「物極必反」
各位媽媽s，準媽媽s 切勿因為自己嘅唔捨得而唔肯放手，嘗試勇敢放開，比小朋友去發掘自己，學習新事物，讓他們做一個自己想做的他/她。

最後我仲想帶出，無論你本來係一個咩所謂嘅女強人，大女人，獨裁者，屋企揸fit人，你最後都會死了心榻了地吟比你個B降服，所以其實凡事都真的不需要太執著！嘥氣啦！！ （我係一個過來人。Hahahaha ）

Follow IG: ymk.ka
Facebook:
m.me/katrina.yu.18