身心靈健康點解咁重要？

真正要擁有美麗，身心靈健康係好重要～内在唔健康係會完全反映响外在上～之前睇過一個好簡單嘅比喻，好想分享俾大家～

我地嘅身心靈可以用一間屋來比喻，我地嘅身，就係屋嘅框架同結構本身；心，就係我地嘅思想、情緒，就係代表間屋嘅裝修、色調、傢俱等部分，而一間屋之中最重要嘅係d乜？當然係空間！一個屋嘅空間係好重要，如果冇空間，住唔到人亦放吾到野。冇空間嘅屋亦都住得唔會舒服～

 所以，正如身心靈同呢間屋嘅比喻：我地嘅身體如果吾健康，就即係間屋嘅結構、框架有問題；心理如果唔健康，就即係屋嘅裝修品味差，而且塞滿左垃圾（各種負面思想同情緒），甘樣間屋嘅空間就用唔到，亦都唔好睇，住响裡面嘅人亦都唔會舒服同開心～

 同樣地，當我地嘅心理堆滿左情緒性既垃圾，每日都好多抱怨，唔感恩同好多負能量果時，我地嘅內在空間就會好細，難怪我地就會好唔舒服同唔開心～
 

所以，我地內在空間就係我地“心靈”呢一塊，係好需要我地去培養滋潤，如果唔係的話，就算間屋幾好（身體再健康、再有更多榮華富貴），裝修得再點靚（擁有幾多物質都好），但係如果冇空間（我地唔去注重自己心靈嘅提升），甘樣我地呢間屋永遠都唔會住得舒服。

所以，我地一定要好好去滋養自己内在嘅呢個空間，當我地真正擁有心靈健康既時候，亦都慢慢可以真真正揾到果份喜悅～所以，除左追求外在嘅靚同身體健康之外，記得都要關注自己嘅心靈健康，真正做個內外都靚嘅人～ ^^