我响呢度嘅第一篇分享～☺️好想俾大家認識下我先❤️同埋嚟緊我嘅分享會為你地帶來什麼價值～

Skin Care 護膚 Trendy 人氣熱話 Girl's Talk 女生密語

By Sylvia Lam on 07 Dec 2018

Hello大家好，我叫Sylvia Lam~呢篇係我响呢度嘅第一篇分享～所以都好想介紹下自己～❤

本身自己之前做咗美容行業已經16年，係因為自己都好鍾意靚，同埋好享受每次可以比到好嘅意見幫到客人改善皮膚或者其他嘅問題～近呢一兩年停止左份正職，因為都好想比機會自己去追求自己嘅夢想目標～近呢幾年來自己愛上左響靈性方面嘅修行，因為我察覺到雖然一個女仔外在係重要，但係其實內在係更為重要！為咗發掘響心靈健康呢塊嘅範疇，呢幾年來上左好多唔同關於心靈嘅課程，目的就係希望更加搵出真正内在嘅自己，同埋去提升自己各方面素質～

現代嘅人好多時可能為咗追隨自己其他方面嘅嘢例如感情、事業、金錢等等，可能換來左好多壓力，什至亦影響咗健康，當然我自己亦都係過來人亦都曾經嘗試過飽受呢啲痛苦影響（例如睇心理醫生），亦都曾經向外尋求好多方法，但最終我發覺最佳療癒嘅方法就係要靠自己～與其向外求，其實自己就係幫自己解鎖嘅人～同事我亦都發覺心理唔健康同埋壓力嘅影響亦都會直接影響自己嘅外在，例如皮膚方面等等～所以我認為真正要靚的話係要內外同時兼顧，有好嘅身體、心靈健康，外在就自然都會靚～

所以而家對於我來講嘅目標，就係我好希望透過我呢咁多年嘅美容護膚同埋提升心靈健康方面嘅經驗，可以藉住我小小嘅分享幫到每一個都好希望同時擁有內外美嘅人～而我亦都深信人同人之間係可以透過分享，只要個分享係正面的話都絕對可以幫到人～

嚟緊響呢度透過我嘅post,你會得到關於護膚、健康同心靈健康方面嘅分享同資訊，希望我嘅分享可以幫到你地每一位，呢個係我嘅大目標！

加油～一齊努力做一個真正內外都美嘅人！

除咗呢度，我亦都響Facebook同youtube開咗個新嘅page係分享關於呢三個範疇嘅短片,邀請大家可以去讚好同follow一下～

我的facebook page: