【“鮨”此“一”間 ——《鮨一》】

【“鮨”此“一”間 ——《鮨一》】

Bloggers 專欄
By PressLogic on 20 Jun 2017

早排聽到有人話尖沙咀有間新開嘅日本菜,個幾層高嘅海膽飯好好食,為食嘅我就緊係即刻約朋友去開餐啦。

image1

上到去舖位唔大,一眼望晒,但勝在座位夠齊全,皆因你可以選擇壽司bar位,普通坐位,仲有2間分別4人同8人嘅房,食生日飯都幾唔錯。

cof

dav

image4image5image6

image7 (1)

由於我同友人book咗18:30,所以上到去可以揀坐位,我就揀咗坐壽司bar,皆因可以望住師傅點樣整壽司(我並不是變態的😂),重點係我太鍾意發問喇!

image8

頭盤:
鮨一沙律
其實平時我唔鍾意食沙律,因為啲菜好苦,今次朋友話想食,咁就試下啦。用長野縣高糖度蕃茄加切角魚生,呢個沙律完全冇我以前食開果啲嘅苦澀味,重點要提嘅係個tomato,清甜爽口,師傅話係日本空運嘅新鮮蕃茄。

edf
Photo from edf

小食:
燒銀雪魚干
貪佢又薄又脆,其實送sake真係一流㗎,可惜皮膚敏感唔飲得酒住,唯有以茶代酒。

edf
Photo from edf

剌身:師傅推介咗2款比我地
真名堅薄切
都係飛機貨!呢種魚生係我第一次食,一食已經愛上!平時我只係叫下三文魚、油甘魚、呑拿魚… 食嘅都一定會加鼓油同wasabi,當我對筷子夾住片真名堅嘅再預備放落個醬油碟嘅時候… 師傅即刻叫停我!佢話完全唔需要點醬油,我用好疑惑嘅眼神望住佢,佢用好堅定嘅眼神確定我。食咗片… 嘩!痴線㗎,真係乜醬油都唔需要!刺身上面加咗啲新鮮紫菜同海膽醬,唔會有魚腥味。朋友仔唔食魚,但見我食得咁滋味都忍唔住食咗片,之後成碟都係我嘅😎

oznor
Photo from oznor

搞笑嘅係,我問師傅呢碟係咩名堂?師傅話真名堅薄切,我反問師傅乜有假名㗎咩?師傅話,種魚叫真名堅,做法叫薄切。sorry… 我笑咗😂我feel到連師傅都偷笑,我太孤陋寡聞喇,哈哈!
南非龍蝦拼12頭鮮帶子
又係飛機貨呀!龍蝦要早2日預訂㗎!龍蝦肉新鮮到呢… 爽爽爽!其實刺身新唔新鮮真係好易就知,因為真係食得出㗎!新鮮嘅刺身一定係爽口同鮮甜嘅。至於鮮帶子,以前食過18頭嘅,今次就試12頭。

image2 (1)

主菜:
千層海膽飯
呢個真係不得了!爸呀… 我唔知佢有幾多層呀!好高高呀!由於2條友都已經好飽飽,但我又真係好鍾意食海膽,所以叫咗個mini版,睇住師傅大大片海膽放上飯面,都咪話唔興奮,層層疊嘅海膽飯下面仲有拖羅,焦點所在係啲海膽仲多過啲飯,大大粒,真係絕不欺場。

image13

 

偶然發現,原來鮨一嘅壽司飯係用日本秋田小町米加赤醋做㗎。

image3

I'm sure : I will be back !!!

Page : facebook.com/phoebeliu1012

image4 (1)

image5 (1)

師傅嘅專注,睇得出佢嘅用心。
千層海膽飯,每台必叫之選!

image8 (1)

全場爆滿!唔想等位真係最好提早book位!

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girl.spresslogic


Share to Facebook