【放榜?唔洗怕】

【放榜?唔洗怕】

Bloggers 專欄
ByCar 姐on18 Jul 2017

莘莘學子 DSE 放榜,有笑有淚!

Car 姐想當年考果個叫「會考」,都好一段日子前既事。

想當年, Car 姐得分16,全部集中喺中文同文學。

呢啲咁既分數最激死人,高不成低不就。

原校第一輪唔收我讀中六,話我成績差;但個分重讀又真心唔甘心。

就係咁,我含著一泡眼淚,同幾個同學展開東奔西走之旅。

讀開間中學薄有名氣,你會明點解唔想讀唔同 rank 既學校。為求有一間我啱佢佢啱我既學校可以讀中六,跑足幾日。

果幾日既失落,無助,傷心,迷惘,經歷過既,你會懂的!

兜兜轉轉,知道有位同學要去外國升學放棄個中六學位,我「立」齊曾經為學校爭光既証據就番去「求」校長比次機會。

校長可能被我求足三日三夜既真誠感動,終於收我原校升讀。

謝天謝地,一天都光哂!

其實中學既日子, Car 姐啲成績都唔係特別標青。

但我相信每一個人都有才能。好似我咁,中學時作文和運動都比較好。只要你善用才能,把握機會,唔放棄,你一定可以得到你想要的。

年青人們,加油呀!

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girlstyle@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girlstyle.mag


Share to Facebook