高疊盤!?食得嫁?

高疊盤!?食得嫁?

Bloggers 專欄
BySapphireon19 Oct 2018

賽事總共分為四組,包括青少年組、公開組、體育名人邀請賽同埋尚乘盃(紀律部隊邀請賽)。

每組所需要疊盤嘅數目都唔一樣,而我就參加左公開組,需要響10分鐘內,疊高22個高疊盤❤️

咁......究竟咩係高疊盤呢?

高疊盤(Crate Climbing/Crate Stacking)非常流行於澳洲及歐美等地,是一個極具挑戰及需要團隊合作的運動,亦可以視為高結構歷奇康樂/輔導的項目。這項運動的目標是盡可能將汽水盤/牛奶盤一個接一個疊高,成為一幢高塔,期間運動員需要站在高疊盤上,透過隊友及器材輔助之下傳遞高疊盤予運動員。健力士世界紀錄創於2009年,當時由一位澳洲人(Christof Riesenhuber)用8分19秒疊高49個啤酒盤(以啤酒盤的高度計算總高度為12.74米)。所有參與人士都需要穿著乎合安全標準的安全裝備,包括頭盔、全身式/坐式安全帶及輔助制動裝置,配合繩索支援系統進行整個運動,通常是一名攀爬者(Climber)、一名保護者(Belayer)、其餘人士擔當傳遞者(Helper),所以最少需要3名或以上人士參與。除了單人參與外,高疊盤亦可以以不同形式進行,適合不同人士參與及體驗,例如雙人攀爬,或者是改變疊盤的形式去配合不同人士參與,例如幼兒、小學生或是傷健人士等。  (節錄至 香港遊樂場協會 網頁)

車,有幾刺激丫?

大家知道咩係高疊盤之後,當然就要講下有幾過癮啦~❤️今次係我人生之中第二次玩高疊盤,第一次係暑假舉行嘅「遊協高疊盤夏日擂台挑戰賽」,當時我負責做攀爬者。起初,我諗著平時玩開繩網陣,驚咩丫,但原來上到去,係兩回事黎嘅.....除左要平衡自己之外,仲要用有限嘅空間去企起身,放個汽水盤上塔頂,而且所有人嘅焦點都放曬響我身上,係緊張嘅,愈疊得高,搖晃嘅幅度就愈大,雖然我冇畏高,不過呢種企唔穩嘅感覺,都淆淆地^.^"

而其他嘅隊員都好重要,一隊4個人,除左有攀爬者之外,仲有負責拋盤嘅神手,由地面拋盤上去俾攀爬者,佢拋得好唔好,就直接影響上面嘅隊員接唔接得好,如果上面接唔到,盤就會跌返落黎,有可能撞到下面扶盤嘅隊友 (安全裝備的重要!!!)。係,其他嘅隊員就係負責響下面扶盤,不過唔好睇少佢地,扶到嘅盤愈高,上面嘅就愈容易平衡,所以呢~缺一不可~

 

高疊盤

跌落黎嘅一刻... Arrrrrrrrrrrrrrrr

今次比賽規則係,限時10分鐘內,疊到22個汽水盤,如果中途跌左就要重新黎過,響呢10分鐘內,無論跌到幾多次,都可以重新再挑戰。我地派出最長腿隊員做攀爬者,最有力隊員做拋盤者,其他就扶盤。

 

photo credit to: Reyna        instagram: @canettichung

 

隊員之間非常協調,爬個個超好平衡力,拋個個又超級準,最嘈個個就係我,係咁叫「好靚丫、好好丫、我地有時間,慢慢黎、定左先定左先」哈,搞到好似好緊張咁...XP

最後我地疊到21個,最後個個疊到一半,不過平衡唔到,就跌左lu.....

 

20個盤有幾高?

❤️下次再玩過❤️

你都想試下? 咁就要密切留意大會facebook啦 ↓  ↓  ↓ 

遊協全港高疊盤攀爬賽 - facebook
----------------------------------------------------------------------------------------------------------------------------------------------------------------------------------------------
IG: canettichung
Blog: Sport Light Girl 

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girlstyle@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girlstyle.mag


Share to Facebook