【生活態度】小資女慳錢心法

【生活態度】小資女慳錢心法

Lifestyle 生活Bloggers 專欄
By PressLogic on 01 Nov 2018

香港生活指數普遍偏高,剛畢業既小資女人工不多,要儲錢真係難過登天。以下慳錢心法,十分適合志在不影響生活質素下慳得一蚊得一蚊的小資女。

首先,先訂立每月儲蓄目標,當收到份糧之後,便用以下formula計出當月開支 :

開支 = 薪金 -儲蓄目標

然後,由衣食住行方面入手慳錢 :

衣服
所謂人靠衣裝,小資女就算要慳住洗,衣著方面都要得體。揀衫方面首選斯文大方,而且最好能夠百搭,即隨時可用來返工去街都得。忌選擇太過trendy 既衫,分分鐘下一季就唔會再著個type。

食野
如果平時同屋企人住,返工嗰幾日盡量帶飯。假設出街食一餐$50,一個月(假設返26日工)慳成$1300。慳埋慳埋,到咗同friend 出街嗰陣,就可以食得豪少少啦!

住屋
呢樣唔洗問,小資女結婚前一定係同屋企人住,慳返成份租金,約$5000- 6000。

交通工具
平時如果有搭開地鐡同過海返工,強烈建議小資女買定張港鐵都會票 ($425/40程)假設每日由鑽石山搭去中環,用都會票的話每日慳$8,一個月(假設返26日工)慳約$200。

行街shopping
有時行街shopping 忍唔住會買下野,建議小資女用信用卡找數(當然平時要比個limit 自己)。因隨時食到信用卡迎新,好多時都有cash回贈或儲里數。有d信用卡平時消費仲可以儲埋cash dollar 或者換做現金券。

旅行
如果有用開信用卡儲里數,飛機票已經可以慳返,如用埋里數嚟換酒店,根本成個trip 嘅酒店機票已經free 。假設去一個東京四日三夜trip ,搭budget airline 大約$1000 另加洒店 $ 1500 ($500/night)。成個trip 已經慳咗$2500。

如果實行哂以上慳錢心法,小資女每月大概慳返 $1300 + $6000 + 200 =$7500 ,一年已經慳返9萬蚊啦!最重要生活質素係keep 到未慳錢之前,正!

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girl.spresslogic


Share to Facebook