港•精神 @ 越式fushion菜 ~ 越•識•食

港•精神 @ 越式fushion菜 ~ 越•識•食

Lifestyle 生活Food 吃貨Bloggers 專欄
By Phoebe on 12 Dec 2018

香港地,號稱美食天堂
各式各菜,只要你講得出,都一定揾得到。
問題在於:所謂美食,係咪真•美食?

有幾多間食肆,因為生意淡薄,或者負評太多,同一位置,開完又執,執完又開,換下個名,改下裝修,老闆伙記,依舊同一班底,食物品質,依舊參差求其。以為改頭換面,就可以瞞天過海。佢地嘅精神,就係投放響金錢利益上,無任何良心價值存在。
明白嘅,租金問題,寸金尺土,個個都想以最低成本獲得最高收益。賺錢固然係必定目的,但大前提底下,賺得心安理得嗎?“賺到盡”係大多數僱主首要前提目的。基於前提原因,食物質素最唔重要,因為「一樣米養百樣人」,你唔食,都會有人食,佢洗淆底少你一個半個客?既然最重要嘅嘢都對佢地嚟講係毫無重要性,更何況其他質素?
明白嘅,人類問題,客人麻煩,諸多要求,比果一百幾十想有皇帝般享受,員工固然做到滑晒瓦,你食就食,唔食就罷就,咁唔滿意咪去第二間食囉,「投訴接受,態度照舊」,佢做又三十六,唔做又三十六。

再諗下,整間公司上上下下都咁「齊心」,有因就必有果,最終熟客留唔到,生客密投訴。
最近去咗一間越南fusion食館。舖面面積唔大,坐位唔多,但裝飾佈置好有親和感,因為牆上都貼晒相同搞笑嘅句語牌,加上開放式廚房,廚師同食客有一個交流點。食物、衞生同服務絶無異議,呢三樣對我嚟講係最重要,「求其」兩個字絶對唔會出現響呢間小舖,「性價比高」形容得最貼切。

我欣賞創辦人由創業至今冇被現今環境熏陶,仍然緊守自己嘅原則,創業難!守業更難!但佢做到!
未必人人會笑住入嚟食,但會人人笑住咁食飽走。單係「笑著離開」已經係雙贏嘅局面,亦係整間公司所有人嘅功勞,力證「團結精神」。


鴛鴦雞飯



Facebook Page:
www.facebook.com/phoebeliu1012
Instagram: saileimui
WeChat: SaiLeiMui

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic


Share to Facebook