如何分辨自己是什麼皮膚類型?

如何分辨自己是什麼皮膚類型?

Make Up 化妝Skincare 護膚Videos 影片Bloggers 專欄
By Sylvia Lam on 21 Dec 2018

了解自己係咩類型皮膚係好重要,甘就可以更加清楚掌握點樣去護理好自己肌膚同選擇啱適合自己用既產品~首先就係要了解下皮膚有啲咩類型~

皮膚係分五大類型,分別係中性皮膚、乾性皮膚、油性皮膚、混合性皮膚同敏感性皮膚~中性皮膚一般係比較有彈性,毛孔比較細緻同有光澤,好少生暗瘡粉刺,有斑嘅情況都係比較少,而且化妝上粉嘅時候都係特別貼,中性皮膚亦係五大類型之中最好嘅皮膚類型~

油性皮膚毛孔會比較粗大皮膚比較粗糙,油脂分泌亦會好旺盛,比較容易生暗瘡、黑頭粉刺,但相對地油性皮膚會比較少有皺紋的問題~

乾性皮膚一般都係欠缺彈性同冇乜光澤,面色望落去比較蒼白一啲,皮膚容易乾燥因為缺乏油份,亦會比較容易有皺紋~

混合性皮膚同時間會有油性及乾性皮膚嘅特質, T字位比較油兩邊面位置比較乾,T字位比較容易有黑頭粉刺等,而兩邊面皮膚會比較容易有乾紋~

敏感性皮膚一般比較薄同容易見到微絲血管,一轉季天氣會比較容易有痕同紅腫嘅情況,亦唔太適合化妝因為會容易對化妝品敏感~

想知道自己皮膚係屬於邊一類型,除咗出去用專業儀器機去測試之外,最簡單就係可以響屋企自己測試~方法就係以洗完面乜嘢都唔搽開始計時間,如果係洗面後20分鐘開始冇繃緊感覺,就係屬於油性皮膚;如果洗面後30分鐘開始冇繃緊感覺,就係屬於中性皮膚;如果洗面後40分鐘開始冇繃緊感覺,就係屬於乾性皮膚;另外仲可以測試埋如果洗面後三個小時T字位已經出晒油而兩邊面都係比較乾的話,就係屬於混合性皮膚~

以上係我少少關於皮膚類型嘅分享,希望可以幫到大家~^^

如果大家想知多啲我關於護膚扮靚、身心靈健康嘅心得,邀請大家可以follow我Facebook page或youtube頻道~^^

我的facebook page:

 ????????美麗健康心靈全攻略by Sylvia (https://www.facebook.com/Sylvia116/)

我的youtube 頻道:

https://www.youtube.com/channel/UCKXYPRJKE7zkK_WBMl8EyKw

我的Instagram: 

https://www.instagram.com/sylvialam116/

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic


Share to Facebook