霧眉7日真實體驗,終於素顏都可以精神啦!

霧眉7日真實體驗,終於素顏都可以精神啦!

Beauty 美妝Trendy 人氣熱話Make Up 化妝Bloggers 專欄
By PressLogic on 23 Jan 2019

<<以下為真實體驗、認真感受>>

我條眉本身眉尾係好散而且好淺色,所以畫眉係每日基本動作✍️ 但有時好無奈地唔係每日都畫到條岩心水既眉,有時手殘突然畫錯左個眉型會好怪/好娘/太粗/太幼???? 之前已經好想試下整半永久既霧眉,但我又好擔心會變蠟筆小新咁好唔自然???? 早排受邀請去做霧眉/飄眉,好啦!決定衡破心理關口試下啦!❤

整前一晚我已經上網search 定有乜注意事項(其實都無乜,因為霧眉連痂都唔會結)同眉型,我本身鐘意戚戚地既型☺

到達店舖後,首先係幫我畫條岩我面型既眉型,然後再根據我個人要求整加粗/加幼、眉峰想後d 同戚d 呀。因為負責人本身係化妝師????‍♀️,所以我都好信佢意見,畢竟佢畫眉可能多過我食飯????

下一步係搽一層麻醉藥,就開始啦~~ 一開始係無乜感覺,之後有微痛,大約好似不停抆眉咁既feel. (p.s.每人受痛程度唔同丫下!)????

好快地搞掂啦????‍♀️一整完係比我想像深色,因為要預佢一星期時間甩咁d 色。(注意,佢唔會結痂、更唔會流血)。負責人話頭三日盡量少濕水,可能會甩d 皮仔,大約三日倒會甩曬皮,開始淺色同更自然????

????霧眉7日既等待甩色過程終於結束啦????

⏰頭三日 成個小虎咁俾我老公笑左一陣????本身話會甩皮仔但我無甩
⏰第四日 開始甩少少皮,忍手唔搣!! 愈來愈自然
⏰第六日 已經好自然,同我以前用眉筆畫幾乎一樣❤

好多人pm我對霧眉有興趣但又有擔心,畢竟都Keep 成年因間整衰左真係行足成年衰運,以下分享希望解答到你地;????????????

????痛唔痛架? ➡️其實好似針清咁但又無咁痛,不過針極多次,我去到最後有微微標左少少眼水。(針清我係第一下已經痛到流馬尿)????

????點解一整完眉頭四方型咁醜? ➡️一整完係特別粗同深色,因為要預留俾D 色甩減D。個眉頭依家係好自然咁少少漸變。

????唔鐘意我條眉型,可唔可以轉其他? ➡️當然得,整之前會先幫你設計眉型,有咩唔岩可以隨時根據自已喜好修改架! 條眉你自已既,你想點咪點囉????

????敏感皮膚做唔做得? ➡️我皮膚係極敏感,平時捽一捽都紅。我整完之後係又紅又少少腫左。第二日都有紅,夜晚就開始無事。所以如果係極脆弱皮膚既人要小心D 護理,洗面要輕力D????

????事後有冇搽野? ➡️有俾一包仔修護Cream我,搽左三日就無搽嚕。

❣️最後,你問我整完覺得點? 我認為係超值得去試! 因為我終於可以素顏都有返些少眉、唔洗擔心訓完午教半邊眉甩左、唔洗再嬲果日條眉畫得唔靚。但我必須提醒各位!!! ????????一定要搵有真實效果圖、有信譽既店去整呀。由於識我既人都知我白到鬼咁????所以如果條眉係我身上整完唔誇張,咁大家絕對可以放心整,唔洗怕唔自然。

P.s. 整完果下個眉型會比預想粗d, 因為要預佢甩d 色。所以個眉頭亦比較四方,但甩左色就會變返自然????

整完第二日:

整完一星期


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girl.spresslogic


Share to Facebook