download GirlStyle 女生日常 app
齊齊再開新節目?《美女廚房》三子重聚10年後同台演出,小方笑言新《美女廚房》:「嗰個假㗎」!

齊齊再開新節目?《美女廚房》三子重聚10年後同台演出,小方笑言新《美女廚房》:「嗰個假㗎」!

Trendy 人氣熱話
By Sammi on 08 Feb 2019
Senior Editor

鄭中基(Ronald)於6日舉行第三場《鄭中基One More Time世界巡迴演唱會香港站》,除了唱了很多經典歌曲,當晚也邀請令兩位同是《美女廚房》的主持人梁漢文(Edmond)及方力申(小方),更一起大唱節目中熱爆的二次創作歌曲,更大談三人一起再開《美女廚房》~令到全場歡呼不斷!

廣告
廣告

三位《美女廚房》元老級主持人一出場就大唱有關《美女廚房》的歌曲:「成龍個仔唔識煮飯  草蜢煮乜都爛 陳冠希唔怕『辣撻』 通處食盡中西日韓餐」,大家一聽到三人難得合唱,都即時回憶四起,全場也拍手叫好!

sssartistronald0015

看到三位元老級《美女廚房》的主持,當然就少不免幽默好笑的對話,Ronald就表示大家都有10年沒有看《美女廚房》了,Edmond笑指最近有重做新一輯,不過小方就神回應:「嗰個假㗎」引得全場掌聲四起!

sssartistronald0010

不過之後Edmond就指他不是說別人那輯,而是我們那輯~但是Ronald就鬼馬回應:「係咩?乜有新嘅一輯咩?」再續問在場歌迷:「大家係咪好想睇我哋做一輯新嘅先?」觀眾的拍手附和,之後就表示就做一輯《美男廚房》吧!小方即不認同表示:「變咗啦你哋,《美女廚房》咪幾好囉!」

sssartistronald0016

然後Ronald與Edmond就站在一起,表示:「我哋兩個都已經有家室,唔可以亂食嘢喇!」小方聞言,就拿自己的感情事開玩笑:「你哋個個都上晒岸,升晒呢,又做老豆、又做老公!我升咗咩呢?我係Single呀!」之後再回話當年:「想當年,我唔係Single時就安份守己,今日我Single啦,就食自己!」馬上引起全場發笑~

廣告
廣告

sssartistronald0001

Ronald唯有安慰小方,更給予建議說:「若果你想快啲溝到女,直接去投胎喇~」之後Ronald更答應歌迷「搞新節目」,小方就表示明天會回TVB傾傾,Ronald笑言:「咪著!唔一定要TVB嘅,依家有ViuTV!」

sssartistronald0002

Edmond也馬上出主意笑說:「兄弟,而家新一年,我哋應該要有大志,唔應該諗搞個台出嚟,應該諗搞個電視台出嚟,由朝到晚都係播我哋啲歌同戲,到時司儀、十大金曲、女歌手都係我哋,神又係我哋、鬼又係我哋呀!」Edmond則說:「我連台名都諗埋喇,叫TViuB!」

sssartistronald0014

之後三人就立即手搞眾籌,逗利市集資開台,就立即邊唱《財神到》邊向歌迷「逗個台返嚟」~

sssartistronald0012

網民看到《美女廚房》這三子重聚,瞬間回憶滿滿:「好想睇佢地既美女廚房呀」、「依個組合冇得輸呀」,更力撑viuTV找他們做《美女廚房》:「正 去viuTV 搞啦!」、「viuTV 快D主動搵佢3個傾啦,佢地肯做肯定收視爆燈」

廣告
廣告

sssartistronald0005

演唱會完結後,Ronald就在IG發文表示:「特別多謝小方,要縮短咗每年返北京探親嘅行程趕返嚟幫我做嘉賓。另外多謝Edmond TViuB嘅idea,我哋會返去積極度吓點搞個台㗎啦,你哋要密切留意吓。好難先夾到呢一晚嘅期,好多年冇三個聚埋一齊。見返以前出生入死嘅兄弟真係好開心。#原先真係諗住即場美女廚房 #但比導演即場秒收皮 #原因我諗大家都估到 #OneMoreTime

sssartistronald0004

小方:「超過10年沒有再同台表演,但沒想到觀眾仍然這麼喜歡我們仨。感謝大家!」,Edmond也表示:「原來對上一次三個一齊做嘢已經10年前,今晚大家熱烈嘅反應搞到我哋又想搞D嘢添....」

sssartistronald0003

小編也表示很期待三子真的可以一起開新節目,到時一定會每集都追看!大家想看三人同場的完整版本,可在這裏觀看!

Text: Girls editorial 

Photo Source: YouTube, TVB screen cap, Instagram

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載