蕭生蕭太Sweet住拜年！蕭正楠：等咗幾十年終於可以派利是，初三都要笑黃翠如貌似便秘！

蕭正楠同黃翠如喺舊年《萬千星輝頒獎典禮2018》宣佈結婚喜訊，仲係台上稱呼黃翠如為太太，Sweet到暈呀！今年係佢地兩個婚後第一個農曆新年，一班好友當然唔會放過呢個?利是嘅好機會啦～蕭正楠亦都非常大方咁話：「等咗幾十年終於可以派利是」字裡行間滲漏出對於組織家庭嘅興奮同期待呀！

年初一嘅時候，蕭正楠就已經擺定個靚甫士，手袋攝住一堆利是：「我等左（咗）幾十年就係等呢一日，終於比（俾）我等到嘞，今年終於可以派利是啦！#恭喜發財 #帶著蕭太去拜年 #相傳第一年派利是唔可以派紙幣」

此Post一出當然引來哄動！唔少藝人包括胡定欣、洪仔、李施嬅等人都留言問佢地?利是，胡定欣問完之後，蕭正楠就覆佢「話唔定你呢兩日結婚呢？」，胡定欣就答：「如果”初二初三”我真係結婚既話⋯⋯我第一個請你飲」佢地私底下嘅互動真係非常有趣！

仲有洪仔洪永城都留言話：「我等左（咗）十幾年都係等你呢封。」唔知洪仔有冇帶埋女朋友向蕭生蕭太拜年呢？

佢地嘅好朋友唐詩詠一早就已經好雀躍咁話要?佢地封利是，結果佢年初二晚上11：45上蕭正楠屋企拜年，勁有心！

陸永喺IG問完蕭正楠：「我兩個女可以去邊搵你？同埋舅仔有冇利是收？」之後，年初三00：00分就一家到訪蕭家，大家都為咗?佢地封利是，幾夜都唔介意！

初三係赤口唔拜年，但係一向「相愛相殺」嘅蕭正楠、黃翠如又點會放過呢個機會互窒對方！蕭正楠仲要勁大膽咁話：「蕭太貌似便秘」，睇怕返到都要跪Keyboard啦（笑）不過其實佢地Sweet到爆，初三出去食飯都要戴住情侶眼鏡，恩愛在細節就係咁解！

Text：Girls Editorial

Photo Source：Instagram