鷹眼韓式心心賣萌！《Avengers 4》韓國宣傳去埋景福宮，網民：劇組是去拍旅遊節目嗎？

《復仇者聯盟4：終結之戰》（Avengers 4: Endgame）絕對係全球漫威影迷本年度最期待嘅電影！電影今個月26號先喺美國上映，但係劇組已經開展亞洲區嘅宣傳造勢活動！第一站佢地嚟到韓國首爾，去到傳統景點景福宮竟然被網民笑稱：「劇組是去拍旅遊節目嗎？」

今次嚟到首爾做宣傳嘅有「Iron Man」Robert Downey Jr.、「鷹眼」Jeremy Renner、「驚奇隊長」Brie Larson、導演羅素兄弟同埋漫威影業CEO Kevin Feige！佢地一場嚟到韓國，除咗宣傳之外，當然亦都要去觀光一下！佢地今次去咗韓國著名景點「景福宮」～

一向搞鬼嘅Robert Downey Jr.亦都PO出同Brie嘅合照，相中兩人擺出電影人物嘅經典Pose，真係好型啊！！

仲有「鷹眼」同Robert Downey Jr.嘅經典遊客照，但唔知點解會有種「型得嚟又少少搞笑嘅感覺」（笑）～

作風一向親民嘅「鷹眼」更加同一班著住韓服嘅旅行團影相！咁啱撞到佢地嘅遊客會唔會太好彩！！

由於韓國正值櫻花期，所以「鷹眼」都順便去埋賞櫻！

仲有呢張非常標準嘅遊客照（笑），粉絲們去到首爾不妨學佢嘅POSE嚟影啊！

「驚奇隊長」Brie Larson一去到首爾就即刻去廣藏市場食街頭小食，「阿豬媽」仲要餵佢食紫茶飯卷！亦都有網民見到佢有食糖餅、魚糕湯等等，佢仲喺IG搞笑咁話：「自己真係好鐘意食韓國嘢！」

早幾日佢地現身電影發佈會時，Robert Downey Jr.同Brie都擺出劇中經典POSE

唯獨係「鷹眼」入鄉隨俗擺出韓式心心，令到在場嘅韓國影迷歡呼聲不斷！照片流出之後，更加有唔少網民留言話：「鷹眼真係好Cute Cute呀～～」

睇完呢啲相之後就好想《復仇者聯盟4》快啲上映！！！

Text：Girls Style Editorial

Photo Source：Instagram@obertdowneyjr、renner4real、brielarson