15歲少年有兩張八達通涉盜竊被捕！黃秋生不滿警方濫捕：兩個銀行户口咪打劫銀行？

因反修訂《逃犯條例》而引起的社會運動持續，影帝黃秋生一向都敢言又關心時事，早前關掉Facebook後轉戰Twitter，繼續為香港發聲！

昨日多區都有示威活動，警方於城門隧道設置路障截查可疑人士，當中一名15歲少年的銀包中有兩張八達通，警方懷疑八達通並非屬於事主，以涉嫌盜竊拘捕該名少年！

事件惹起黃秋生的關注及不滿，他於Twitter轉載有關新聞，並留言：「兩張八達通就盜竊，兩個銀行户口咪打劫銀行？」

亦分享了蒙面黑衣女子以警棍截查示威者的新聞，表示：「駛乜有証，最緊要有警棍。人人都係警察」

網民紛紛一起留言表達不滿，同時感謝秋生哥不平則鳴：

「感謝偶像 秋生哥」

「影帝寶座秋生大哥講得好有道理」

「秋生哥㗕嘢真係有Sense兼貼地」

「香港有法例不准持有兩張八達通？孤陋寡聞很多使用兩張八達通以便急時所需」

「我有四張百達通，八個銀行冇錢的戶口。咁點算呀！」

「有好多人有起碼兩本護照，咁佢地一定係間諜，除非唔係」

其實黃秋生「反送中」運動開始後一直都支持示威者，不過8月底時突然貼出長文宣布告別Facebook：

「各位，我癐（攰）啦。再見。喜歡我嘅朋友唔駛担心，我唔係去死，我會堅持信念，大家都係，大丈夫有所為有所不為。我只係癐啫。痛恨我嘅朋友，係，係朋友，我唔憎你哋，因為我都唔識你哋，你哋對我亦無任何影響，我只係因為私人原因，疲倦而已，你哋亦唔駛高興，因為你哋並無成功咗啲乜。喺呢度，大家平等，互不相識，缘生則聚，緣滅則散，你我只係宇宙間嘅粉塵。只願，中港两地嘅人，可以好似以前一樣，再次和諧相處，歡聚圍爐。最後，我從來都唔係港獨，亦唔喜歡暴力，同大多數人一樣。我只係一個有獨立思想，喜愛知識，而且憎惡邪惡嘅普通香港人。」

更用簡體字寫道：「其實，内地都有好多聰明俊秀嘅人材。还有，蝗虫不是我说的，我寫的那句是文言，不懂别亂说，蝗虫是一个導演罵的，而且他现在还在大陸，看似挺受你們欢迎的在捞你們的金呢。 」

後來他9月就開設了Twitter，認為Facebook「空間唔夠，時間不足，好多人文化水平不高。」覺得Twitter更自由同和平，現在也每天持續關注運動的消息，大家都可以Follow一下秋生哥的Twitter@PerryChsu啊！

Text：Girls editorial
Photo Source：黃秋生twitter,viutv