男友不付HK$300被指孤寒？稱「女友變得貪錢似港女」網民：少少錢都計好肉酸！

Girl's Talk 女生密語 Love and Relationship 愛情

By Sammi on 20 May 2021

Senior Editor

近年有不少港人都愈來愈喜歡貼標籤在別人的身上，而在女生身上用得最多的負面標籤一定就是「港女」，只要是拜金、貪慕虛榮的都被認定是「港女」的特質。之前有網民就在連登討論區發表以「女朋友突然變到好貪錢」為題，講述因沒有買給女朋友一件 hk$300 的衣服，而被女友直指「孤寒」，令他感心碎，更詢問網民：「係咪真係所有香港女仔都一定係貪錢？定只係我嗰個比較港女？」

這位男網民（樓主）在討論區分享了與女朋友「三百蚊的故事」，故事先提到樓主跟女朋友一起已兩年多，因大家都是學生的身份，本身都沒有太多錢，所以平日食飯錢都是兩人都會付費的～而每次樓主說要請女友到貴價餐廳食飯時，女友都會堅持付一半錢。樓主更大讚女友：「平時佢都冇要求或者暗示過要我送咩禮物比佢，我一直都好自豪識到個咁既女朋友」

不過樓主這幾天卻覺得女朋友變了，因為女朋友一直都很想要某一件價值 hk$300 的衣服，但是因為女友覺得太貴，即使得到男友的鼓勵下，她都依然不捨得買。不料後來女友卻覺得男友不送她那件 hk$300 的衣服，生氣的直指他「孤寒」。

樓主心感不忿，不認同自己「孤寒」，更說女友說的話不合情理：「話我少少錢都唔肯洗去佢到，講埋哂啲咩男朋友肯洗錢落自己到=愛自己，我真係好唔認同點解有幾愛都要講到同錢有關」

到了最後，男友依然沒有送衣服給女友，原因是覺得女友有這要求太奇怪：「佢直頭唔係嗲緊我，而係好似逼緊我送野比佢咁，佢突然變成咁我開始發現原來我一直都唔熟悉佢。」更詢問了網民這三個問題：「係咪真係所有香港女仔都一定係貪錢？定只係我嗰個比較港女？點解佢會突然變到咁陌生？」

最後還作出了投票的選項，分別是「買比佢啦嗰三百蚊」及「死港女飛左佢吧啦」，希望從網民身上徵詢更多意見！

因「女朋友突然變得好貪錢」此話題一出，就紛紛引起了一眾網民熱烈的討論，不少網民都留下超差的負評鬧爆樓主「太孤寒」：「唔知以為佢要你送三萬蚊嘅衫，三百蚊都咁計較」、「btw,你似港女多啲」，樓主也隨即回覆：「其實平時同佢出街有時佢見到啲衫想要我都會買比佢，如果佢係嗲下我而唔係發我脾氣我買比佢又有咩所謂」

網民更一面倒留下更多的負評揶揄樓主：「而家似係你斤斤計較，三百幾蚊就話女朋友貪錢！分手啦，放過佢」、「300蚊都要擺上黎話港女貪錢，幾多個$300先買到個channel包包」、「300蚊都咁上心打咁大篇野仲話唔孤寒，仲學人拍拖點結婚生仔」、「換轉係$30你仲唔即刻扮man買俾佢咩，自己計果少少竟然話人貪錢，$30叫你買衫又貪唔貪錢呀？」、「如果你話條數好大就第2回事啦，但300蚊都計較到咁真係好肉酸」、「少少嘢就諗到你條女咁，睇你都唔係真心愛佢」

因太多網民留下負評直罵樓主本人，樓主在數小時內又再出另一段留言為自己作出澄清及反駁！道出了與女朋友平日相處的模式，更指自己也花費了不少錢在女友身上，更指經常與女朋友食貴野，有時 hk$500 一餐都試過～有時去旅行也會買過千元手信給女友，更向網民直言：「我一直都冇覺得咁樣好偉大只係唔想你地覺得我係孤寒」

樓主表示自己今早與女友聊過這個話題，更指女友一直以來都沒有覺得他孤寒，但只是這幾天被朋友說了幾句才想試一試男友，樓主更為自己澄清：「我其實當下冇送到比佢都唔係計較 300，因為我同佢一齊依 2 年洗喺佢到既錢已經講緊係 300 既唔知幾多倍，冇可能為左 300 蚊就同佢嘈，我係唔開心點解我付出左咁多野（無論係咪錢銀既野），但因為單單一樣野就比佢妖魔化左我」

最後更續稱自已說女友貪錢只是悔氣說話：「我知佢唔係真係貪錢，我都知我處理手法有問題..我當時既決定其實咪又係只會令佢更加冇安全感..我有好好同佢道過歉了，好多謝大家點醒我！」

但一眾網民依然不賣帳，認為樓主說女友貪錢就是有問題：「睇完仲反感，而家係你為左 300 蚊妖魔化你條女」、「係咪要條女餐餐陪你食 M 記譚仔再 AA 先叫好女人?」、「睇完你依段仲覺得衰左，咁耐仲記住食左餐 500，買左個 1000 蚊手信」、「500 一餐都試過幾次，係大方就唔會記住啦。我請男朋友真係唔會記得幾多餐幾多錢」

Text: GirlStyle editorial
Photo Source: 連登討論區、《失戀日》、《紀念日》、《志明與春嬌》、《哪一天我們會飛》電影劇照

女網民警告勿揀「低下階層男劣質貨」！無讀書做地盤係垃圾畜牲？成身U記秒OUT～

17 Sep 2020

近日有一位女網民在討論區分享了一段揀男人的準則教學，名為（警世）「教各位師姐點樣選擇高質男人」的這個post被網民熱議並瘋狂被轉發，皆因網民們都認為她的準則太過苛刻並帶歧視成分，認為樓主太過「港女」拜金。

一位名為「黑桃A」的女網民於討論區「香討」發佈這篇「警世」的文章，呼籲各位女士千萬不要選「劣質基層男人」，稱這是對自己非常不負責任的行為而且會後悔一世。她說最近留意到很多女人都有一個共同的問題出現，就是會在結婚之後不停嫌自己老公不上進而非常苦惱。然後就用打救女人的口吻說「其實唔能夠完全怪你老公，係因為你地一開始就唔識得揀男人！宜家我就教你地點樣分辨『優質』同『劣質』男人。」

她一開始就已經把男人分類為「優質」和「劣質」，而分類準則有4個，她認為男人至少要符合這4個條件，否則就「過主」！4個條件聽起來似很容易，但是她的價值觀卻不是人人能接受。

分辨「優質」和「劣質」男人第1關：學歷

第一關就是學歷！她也非常詳細地教了如何可以一眼看穿他底細的方法。她建議「第一次約會首先試探一下佢大學生活如何，如果佢支吾以對或者講到自相矛盾，甚至白痴到直接同你講唔好意思，我冇讀過大學。」這些就可以不用理他，她更稱沒有讀書的男人不是「劣質貨」、「直頭係垃圾，應該送去堆填區」。

就算係大學畢業都未可以鑑定「優質」，最多也是普通等級。如果是港大、哈佛或劍橋，就是真正的「優質貨」。這個是根據學校的等級來評定男人好壞的準則，有一些女生都表示認同，認為「讀書的才會有成就，未來不會那麼辛苦。」

分辨「優質」和「劣質」男人第2關：職業

第二關就是職業！「如果唔識揀職業既話都係冇用架。有好多女人揀埋啲咩侍應，地盤，司機之類既基層男人做老公。要知道做基層班男人多數同畜牲冇分別。」他認為這幾類工種男人沒有安全感，而職業穩定性和薪金就是第二個評定男人的準則。

分辨「優質」和「劣質」男人第3關：品味

第三關就是她所講的「品味」。她認為「成身U記，錶都冇隻，出入要搭巴士地鐵」的男生會令她沒面子，而且會被姊妹取笑。第三個準則其實都不盡是看男人的品味，真正就是看他的「行頭」或是炫富程度。如果有車也要評定一下是甚麼價位的車，她指：「揸部錢七過黎接你收工食飯嗰啲唔該叫佢返屋企」。

分辨「優質」和「劣質」男人第4關：內涵

第四關，就是「內涵」。她指其實剛才提出的只是很基本，就算一個人學歷同職位再高也是一件「賺錢機器」。她開始追求浪漫：「識得煮吓野食品吓酒，欣賞吓啲藝術或者對時事發表一些看法之類等等都可以算係有內涵」。她認為這些個人興趣也很影響一個男人的質素。例如是喜歡打機或砌模型的，也未必可以「合格」。

看到最後，不少網民也覺得她的準則太高，經得起她「過濾」的男人，應該也沒幾個。網民對於她的人格稱之為「拜金女」，男網友也表示不屑：「她這樣的女人一輩子也不會找到男人」。一部分的網民對於她文中的職業歧視就比較大反應，認為工種和學歷評定一個人是非常無理，指她只是在尋下半生的「好寄託」而非真正的「愛情」。有網民反擊：「李嘉誠都不高學歷，比你嫁你係咪唔嫁」。至於愛情是否與「麵包」掛鉤，網民也有不同的看法。